حطات سدرة للعيالات طبسيل ديال كسكسو باللبن فالطبلة اللولة وتبعاتها الثانية والثالثة عاد تمات راجعة عند البنات, قشعات نوال واقفة حدا الباب ديال الباصيو وهي تمشي عندها
نوال:(دايرة تيليفون على ودنيها وكاتسنى شي حد يرد)
سدرة: ختي شنو كاين واش تاحد ماجاوب؟؟
نوال: والو أختي, ماعرفت فينهم حتالدابا
سدرة: تلقايهم باقيين فالطريق وصافي(رجعات للكوزينة)
رغد:(من بعيد) بلا ماتشطني شوي ويصوني شي حد فيهم
نوال:(دخلات كاتڤيبري برجليها حتا سمعات صوت تيليفونها كايصوني) ألو خويا؟
نائل: وي نوال, لقيتك مصونيا بزاف ديال المرات ياك لاباس؟؟
نوال: واش تجمعتو ولا باقي؟؟
نائل:(شاف قبالتو كلشي كاين) لا كلشي كاين, واش وجد الغدا؟
نوال: اه اخويا, صيفطلي الدراري
نائل: واخا صافي(قطع معاها) ياسر عدنان وأيمن,طلعو للدار تجيبو الغدا يالله
عدنان: أعمي بلاتي غيل نرتاحو الطريق كاملة وحنا غاديين على رجلينا
أيمن: أودي ياودي على السبور, نوض تڭعد قالاك
ياسر:(ناض بلا مايدوي خارج) أنا نمشي غيل خليهم
أيمن: أنا جاي معاك صبر
عدنان:(ناض زعفان من فعايلهم اللهم يمشي والا يسمع نڭير باه تاني وطنز يمان وزيد)
ايمن: العشران اليوم كاينة القصارة, ياك؟؟
عدنان: ايه ومن بعد, ياكما باغي تغنيلهم
ياسر:(ضحك عليهم)
أيمن: مالك مخنزر علينا, طلقها ألعشير راك غاتشوف التيتيز
ياسر:(ضربو لراسو) والله مابقيتي نتا كاتحشم, زيد قبل مانوريك التيتيز كي داير(مشاو مدة ديال الطريق حتا دخلو نيشان من باب ديال الكوزينة منقزين) سلام عليكم
سدرة:(تخلعات) الله أولدي شنو باغي عندي
ياسر:(باس على راسها وعلى راس ڭاع دوك اللي كانو فالكوزينة, خلاهم غيل كايبتاسمو ليه ويرضاو عليه) سمحيلنا الواليدة غيل مابغيناش ندوزو على العيالات اللي فالصالة وصافي
نوال:(بتاسمات ليه)اااح عليك ازغبي,(جراتو لحداها) مهم هانتا غادي تقادو الطبالي والڭلسات ياك, ومن تما تحطو الكيسان كل واحد والكاس ديالو واخا؟؟
لالة نجوى: اولدي راه الكيسان كاينين فالبلاكار التاني ديال الزاج راهم طوال بحال ديال الشراب صافي
أنت تقرأ
السعادة قسمة ونصيب❤️🥺
Любовные романыالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
