جنة: هايهاي على التيتيز ديالنا, فين كنتي حاصل؟؟
ياسر: كنت حاصل فقادوس
سمار: كي جيناك، شفتك ماقلتيلنا والو المسموم
ياسر:(طلعهم ونزلهم وهو يقهقه بصوتو الباح) هه واقرطاسات
عدنان:(خنزر فيه وفجنة اللي عجبها الحال وهي تضحك)علاش كاتقلب؟؟
ياسر:(عرفو غار عليها) واقلت غيل اللي كاين
جنة:(غمزاتو) ربي يخليك الحب
عدنان:(نغزها مغزز عليها) زيدي تحركي ونتي تحليتي(دوزها قدامو وهي كاتلاعبو بكل فن عارفاه طايح فيها وهي طايحة فيه)
ندى: أجي نتا فين كنتي سولت عليك نوال وقالتلي مازال ماجيتي؟
ياسر: واندى راه غيل العشران اللي صوناوليا ولهاوني تانسيت راسي
ندى: امممم(غمزاتو) إيوا مهم راه حبك خرجات تقلب عليك،صراحة جات واعرة(نغزها نعمان)
نعمان: سير أخويا راه هادي هبيلة، وابقا متبعها حتا تخرج عليك
ندى: مالي أنا قلت غيل الصراحة
يمان:(سمعهم علاش كيدويو وهو يشوف فييهم بنص عين) واهو ندى ماكدباتش عشيرتك أخاي قوقة
ندى: شفتي شفتي أياسر,(تغامزات هي ويمان على نعمان) مول الحق يبان يبان
نعمان: لا حول ولا قوة إلا بالله
ياسر:(ضحك عليهم وهو يتوجه لعند البنات اللي كانو واقفين حدا نوال)
نوال:(شافتو خارج) فين غادي؟؟
جنة:(ضحكات بطنز) غادي يقلب على حبو، فنضرك لاش غايكون غادي
عدنان:(خنزر فيها) ونتي مالك؟
سيرين:(همسات لجنة وسمار) ياختي على مخنزرين, واغيرة واشمن غيرة هادي(ضحكات)
ياسر: سيرين راني سمعتك
سيرين: امم سيرين سمعتك(كاتعييبو) سير سير شوف فين مشات ديك الهبيلة ديالك
ياسر: هاهو غادي(همس لنوال فودنيها وهو يمشي)
عند سيرين اللي مشات للكوزينة كاتقلب على ما تاكل حتا تبعوها الكليكة ديالها
عدنان:(تغامز هو وأيمن) العشيرة جيتي زوينة اليوم فخبارك؟
سيرين: تبارك الله وخمسة وخميس عليا من عينين العديان،(غمزاتو) حتا نتا الزين جيتي بوڭوص لا نتا لا دودو(طلعات البنات ونزلاتهم بحركة سخرية)
جنة: ياربي الصبر وصافي مالقيتي معامن أسيرين
سيرين:(كاتشوف فالحنة اللي على يديها) اييه ولقيتك قدامي كيف درهم ديال الحلال ابيبي
أنت تقرأ
السعادة قسمة ونصيب❤️🥺
عاطفيةالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
