زيد: لالا أصلا باقي الحال(رمق سيرين مغييرة وباينة عليها عيانة وهو يحرك ليها راسو) ياك لاباس, كاتبان ماشي هي هاديك؟؟
نوال: غيل معدتها ضاراها وعيانة شوي وصافي, احم ندخلو
زياد:(لمح الدراري ديال الدرب كايسقيو عينيهم بالبنات وهو يخسر سيفتو محييد ليها الطريق) يالله ندخلو من البرد(طلعها ونزلها وهي دايزة قدامو بديك العباءة الطويلة والشال مقاد الصوييك الصغيور فيديها وسديم معلقة فيها كاتبان إمرأة ناضجة بتاسم بينو وبين نفسو, على الأفكار اللي كاتجيه)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نوال:(نزلات عينيها وهي تمشي قدامو باحترام) شكرا, يالله البنات دخلو ترتاحو
مع دقات جنة الباب وتمات داخلة حتا تلاقاو بسكينة وأسماء ومعاهم رغد وسليمة وسدرة معولين يحطو الكوطي وكالسين مجمعين على النميمة, البنات غيل شافوهم وهوما يطلقوليك واحد التزغريتة خلعات سديم اللي تعلقات فنوال كثر ودموعها ولاو كايسيلو بالدهشة من هاد الناس وهاد الأصوات العجيبة, ضحك زيد عليهم عارف ختو ورغد على سبة وباش زادوها مين جات الحاجة زعما هي مولات العقل صدقات طالقة ليهم زغروتة عالمية بسبابها ناضو الرجال يشوفو هبال عيالاتهم حتا حبسو الضحكة, تعانقو العائلة مابيناتهم والبنات فرحانات بنوال وسيرين...
لالة سماح:(الفرحة باينة عليها من عينيها) على سلامتك أبنتي الحبيبة ديالى...
نوال: الله يسلمك ألميمة, كي راك بيخير بعدا؟
لالة سماح: الحمدلله ابنتي مين شفتكم بعد هاد المدة واخا مادرتي فيها مايصلاح لا نتي لا ديك اللي حداك
نوال:(نزلات راسها وهي كاتشوف فلالة رقية اللي مكشرة) عارفة أميمة عارفة بيلا تعطلت باش نجي ولكن راك عارفة الحمدلله اللي كتابلي نرجع لبلادي ونڭلس حداكم
لالة رقية: الحمدلله على كل حال, مالكم تعطلتو اليوم؟؟؟
نوال: مشينا للكوميساريا باش تشوف سيرين وراق السطاج وبلاصتها, وتعرفات على شي ناس اللي يقدرو يعاونوها لكن سيرين ضراتها معدتها وعيات هاكا علاش مابغيتش نجيبها وهي عيانة خليتها رتاحت شوي
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
