داوود:(عييط للدراري باش يمشيو للصالة لاخرة) يالله للصالة نكملو جماعتنا
جنة: واخا أخالي...(جرات سيرين معاها وهي رادة لبال ليها)
سيرين:(همسات ليها فودنيها) ياختي على الزين, شفت الكحل وأنا نوحل يابنت الهم, فين كاتعرفي تاهادا؟؟
جنة:(حبسات الضحكة) سكتي أبنت الحرام, راك غاتفرشيني معاهم وأنا بزز باش كندير الصواب
سيرين: اممم واطلعتي شويطينة أبنت خويا
نوال:(نغزاتهم من الجنب) سكتو شوي راه حشومة هاد النميمة اللي كديرو
سدرة: هاني رجعت(طلعاتها ونزلاتها من الباب بابتسامة وهي تجرها حداها كاتشوف فخوها اللي باينين عينيه مقابلها) تبارك الله ماشاء الله, خواتات نائل هادو ياك؟؟
رغد: اه هادي نوال وهادي سيرين الصغيرة عليها
سدرة: ماشاء الله عقلت غيل على نوال هي اللي شفت نهار عرسي(ڭلسات بين رغد ونوال)
زيد:(دخل عندهم ماد لختو بنتها) هاكي نتي بنتك راها وحلاتني وحتا باباها ماباغاش تسكت ليه
سدرة:(شداتها وهي مخرجة عينيها فيه) صافي غيل سير
زيد:(شاف فسيرين اللي كانت رافعة عينيها فيه ومخنزرة, ضحك بتهكم وهو يغمزها) هاي البرهوشة, كاتباني كبيرة شوي بدوك الحوييجات
سدرة:(زفات عليه بالمنديل وهي تغووت لداوود) سير يالباسل خلي عليك البنت
زيد: صافي صافي غيل سكتي انا غادي
سيرين:(طرطقات فيه عينيها)شنو بانليك؟
رغد: مالك نتي؟؟
زيد: الا نتي صافي انا غادي(مشا مخليهم مستغربين من سيرين وزيد اللي مشا فور ما نطقات هي)
سدرة: بانلي كايخاف منك تانتي..
جنة: ايوا غيل ايلا مابغاش يخاف منها, هادي راه شيطان بصفة ملاك...
سيرين:(مييقات فيها) شفتك ضسرتي نتي لا؟؟
رغد: هه تلاقيتو نتي ضسرتيها وهي ضسرات
نوال:(بغات تبدل الموضوع ماكاتحملش التبرهيش والهضرة فالخوا) احم, منين جينا وهوما غيل كيدويو ماخلاوناش كاع ندويو
سدرة: هه خودو راحتكم احبيبة, سابقا مبروك عليك الطلاق والحمدلله اللي رجعتي لبلادك
نوال: ربي يخليك ختي, ماكتابش هاد السنين نتلاقاو ولكن الحمدلله كلشي بفضل ربي قريب
سدرة: داكشي اللي كاين, ونعم بالله
نوال:(شدات شمس بين يديها) ما شاء الله كاتشبه ليك بزااف
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
