خديجة: علاش أنا نخسر لبنتي خاطرها, مرحبا بيكم بزوج ڭاع
سيرين: الله يخليك ليا عمتي الحبيبة,(راقصات حجبانها وهي كاتغدد نوال) قالتلي مرحبا يالله واموتي يالمسمومة
نوال: لا حول ولا قوة الا بالله, برهوشة كي دايرة..
فهاد الأثناء عند البنات اللي كانو كايشطحو مع نرجس وكايضحكو, فرحانات بهاد المناسبة الزوينة, في حين الدراري مشاو يصليو العشا جماعة كيف عادتهم
جمانة:(نووضات ميس تاهي تشطح معاهم) نوضي نوضي أختي تانتي تفرحي معانا
ميس: لالا غيل خليني راني مكنعرفش
جمانة: واغيل نوضي شوفي البنات كاملين نايضين, نوضي شوي قبل مايسالي هادشي
جنة:(ضحكات على جمانة ونرجس وشطيحهم وهي تقول لميس) كي شفتي هادو تبارك الله شيخات عندنا, راحنا كاملين غاكانخوورو
ياسمين:(خنزرات فيها) دابا نجي نوريك كي كيديروليه, حمارة ماحشمتيش تخسري الهضرة وسط الناس
سمار:(همسات لياسمين) ضوري ضوري تشوفي السيدة قالتلك ماكاتعرفش
ياسمين:(ضارت وهي تشوفها, كحلات بالعما وهي تجر جمانة مسولاها) شكون جاب هادي لهنا؟؟
جنة: قالولي الدراري بيلا جات مع بدر وسمييتها ميس(باستفهام) علاش؟؟ فين كاتعرفيها نتي؟؟
ياسمين: هاكاك(ضحكات بالغدايد) قوليلي السيد ڭالس يتمعشقلي معاها وزايد جايبها
سمار: كاتعرفيها؟؟
ياسمين:(ضورات وجهها) ماكانعرفهاش كنت تلاقيت غابيها فاش جيت أنا وياه ديك المرة(بغيرة) ولكن والله لادازت ليه غابلاتي
سمار:(بطنز) واصافي أصاحبتي تانتي, راك نتي اللي كاينة وماكاين ماحسن
ياسمين:(غززات فيها وهي تمشي خارجة كاتنڭر) ولد الحرام غابلاتي(دخلات للكوزينة وهي تڭلس زعفانة)
سيرين: أويلي مالك أختي غابشوي عليك
نوال: ياسمين صافا؟؟
ياسمين:(موجهة كلامها لسيرين) فين كتعرفي ديك ميس ولا ماعرفت سمييتها؟
سيرين: صديقة بدر كان عرفني عليها فواحد المقابلة صحفية حضرت ليها معاه، وكانت هي المذيعة فيها؛ صراحة ميس بنت زويونة وعمرني شفت منها العيب , صراحة دخلاتلي لخاطري من أول مرة تلاقينا ببعضياتنا فيها
ياسمين:(مييقات فيها) أنا سولتك فين كاتعرفيها ماشي كي دايرة، قالك زوينة ومابيهاش العيب(عييبات صوتها)
سيرين:(صغرات فيها عينيها) مالك معاها؟؟
ياسمين: سولتك حيت عمرني شفتها عندنا وصافي، مامالي معاها والو
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
