أصبحنا وأصبح الملك لله, فاقت نوال هي اللولة, بقات كاتشوف فختها اللي ناعسة فحضنها كطفل صغير لقا حضن أدفء من حضن الأم ديالو, تفكرات ماماها اللي كانت كاتنعسهم وتحضنهم وهوما كيف الكتاكيت فوق صدرها, رجعات بيها الذاكرة لديك الإنسانة اللي كانت ليهم نعم الأم ونعم الشخص, رباتهم وكبراتهم وسط عائلة وكانت من الناس اللي كلمتهم عمرها طيح للأرض, إمرأة مكافحة ومجدة فعلاقاتها العملية والعائلية, ساندات زوجها وأسرتها فالسراء والضراء وفالخايبة والزوينة, على عكس باقي العرييسات اللي كان الشر كايتقطر منهم, حاربات بزاف ديال الحوايج من بينهم المرض اللي كبر وتطور فجسدها وذاتها حتا خداها دون سابق إنذار, دمعات عينيها لذكرى أمها الأليمة اللي عاشت النار والعداب بشتى أنواعو غيل باش تنساها لكن كان من المكتاب عليها أنها تمر من ظروف ومراحل باش تتعلم لذة الحياة ومرارتها كذلك, ناضت سيرين على إثر دموع ختها حتا غوبشات
سيرين:اممم(بصوت ناعس) نوال؟
نوال:(مسحات دميعاتها باش ماتعييقش) صباح النور
سيرين:(بتاسمات معنقة ختها وهي حاسا بواحد الفرحة فشكل) صباح الحب
نوال:(ضحكات لختها وهبالها على الصباح) نوضي نوجدو الفطور عندنا مايتقضا على الصباح
سيرين: وانوااال(تخنششات فيها وهي تقول بصوت دلع) عافاك غيل شوي توحشت ننعس حداك بحال هاكدا
نوال:(بتاسمات لكن فور ما بدلات نبرتها لنبرة جدية وهي تنووض ختها) سيرين الصباح هادا,وعندنا شغل نوضي يالله
سيرين: ياك ياك,(ناضت منفخة كاتجمع الفراش) عقلي عليها
نوال:(طبطبات على راسها) الله يرضي عليك راني عيانة,(مشات مخلياها غيل كاتشوف فيها وخايفة عليها)
دووشو ووجدات نوال الفطور حيت نزلات هي اللولة, كلسات مع الهاتف ديالها كتدوي مع خوها مطمناه عليها, نزلات سيرين مع إنتهاء الإتصال ديالهم
سيرين: ختي شنو بغا خويا, البارح دوا على شي وراق وصاك عليهم, واش بخصوص داك الشماتة؟
نوال: لا, الوراق باش نرجعو للمغرب
سيرين:(فرحات شوي وتنقز عليها) بالصاااح, يااه وأخيرا غادي ننزلو, ولكن بلاتي أنا عندي سيمانة عاد خاصني نخرج من الكلية...
نوال:(قادات كيسان ديال القهوة فالطبلة وكلسات بكل هدوء) دويت مع المدير, ويمكن ليك تكملي غيل فالبيسي
سيرين: الحمدلله(شداتليها يديها وهي كتشوف فالفيلم مقابلة معاه) فخبارك كانعيش حاليا, قصة حب
نوال:(خززات فيها, خايفة على ختها لا طيح فنفس الغلط ديالها) كيفاش؟؟
سيرين: معاك أحياتى, نتي هي الكل فالكل,(عنقاتها) كانبغيك قد السما والما
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
