الشوق أضرم خافق الكلمِ ... فذوى فؤاد الشعر بالألمِ...
البعد زاد الحزن في كبدي... و غيابكم أدى إلى عدمي...
فَقلوبنا اشتدت مواجعها... و مراكب الأشواق كالحممِ...
أو...
صبح صباح جديد بأحداث جديدة ومشوقة كثر من سابقتها, فالبيت اللي جنب بيت البنات كانت الشمس ساطعة وخيوطها الحريرية متهجمة بتهكم على نوافذ الغرف المتواجدة فالطابق العلوي, حكو عينيهم فنفس اللحضة نايضين كايتكسلو وكتافهم العراض واخدين السرير كامل, صدورهم الفولاذية المملوءة بشعيرات مبعثرة زايداهم أناقة وجمال, ناض زيد بالشورط القصير اللي لابس كايضرب فالأرض الزالقة والمزلجة ضربة ويفلت زوج خلا خوه غيل كايضحك عليه
زيد:(وهو متوجه للحمام) صباح النور
زياد:(بصوت ضاحك) صباحو العشير
زيد:(ضار عندو مستغرب) ضحكنا معاك أسي العريس؟
زياد: إيوا شوف راسك فالمراية وتعرف علاش كانضحك
زيد:(توجه للمراية كايستكشف فراسو حتا شهق بقوة الصدمة على شنو مرسوم فوجهو, ماخداش وقت باش يتسائل على شكون مول الفعلة وشكون دار فيه هاد الشوهة حيت عارفها هي اللي غادي تكون مولات الفعلة وهو يطلق واحد الضحكة تسمعات للموتى) شيطانة
زياد:(دخل يغسل وجهو وسنانو وهو باقي خاري بالضحك على خوه) هه عبرات عليك, جمعاتليك الصرف فدقيقة
زيد:(بنبرة رجولية) برهوشة
زياد:(خنزر على كلام خوه) ماتوصلش ديك اللي جبتي
زيد:(عرفها قفارت بيناتهم) شنو دارو تاني؟
زياد: والو غيل دارتليها ضربني وبكى وسبقني وشكى,(شاف فخوه بنضرات تحذيرية) أنا ماعمرني مالمتك على أفعالك ومخليك دير اللي بغيتي حيت عارفك ماغاضلم حد لكن سيرين خط حمر, إيلا كانت ساكتة على الصداع اللي غاينوض فأنا ماغاديش نسكت واياك
زيد:(تنهد بقلة حيلة وهو مناضر لنضرات خوه الجدية) كون هاني, أنا غادي نحاول نصلح هادشي فهاد اليوماين اللي بقاو
زياد:(مسح وجهو بالفوطة وتم خارج) رد البال ليها, وهاني فاش علمتك
سيرين:(كاتدق على البنات والدراري باش تفييقهم وهي دايرة الحجة غيل باش تشوفو وتشوف ردة فعلو) البناااات
فهاد الأثناء الدراري اللي خرجو والبنات كذلك صبحو على بعضياتهم وهوما يتمو مكملين الطريق للتحت, تلاقاو مع زياد وزيد اللي تخنزيرتو قربات تقتل سيرين بالرعبة, في حين عدنان اللي كان لامح غياب جنة ورجع يشوفها فين بقات
عدنان:(دق الباب زوج مرات ووالو, حلو بشوي وهو كايسمع أغنية هادئة ونغمة طريفة كاتسلل لأدانو) جنة(نطق بصوت منخافض)
جنة:(فينها السيدة كانت ناعسة على يديها فوق الكوافوزة الصغيرة والماسكات حداها على الجهد)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
