السعادة قسمة ونصيب❤️🥺

🥺❤️73

الدراري شدو كرشهم بالضحك, أما واحد نائل خلاص غيل سمع بنتو شقالت وهو يضرب الضورة راجع لعند الرجال ووجهو ولا قطرة ديال الدم بكثرة الحشمة

زياد: شناهو؟؟(بعصبية)

جمانة:(باستغراب) علاش ماغاديش ناكلو الحلوة ديال العرس, الكيكة اللي كاتكون فالعرس واش ماغاديش ديروها؟

نوال:(غيل سمعاتها حطات راسها على كتف زياد حابشة الضحكة اللي جمعات ڭاع الأحاسيس بكثرة الحشمة والخوف لاتشوهها مع زياد وهي محرا دايرة رجليها فالعتبة) أستغفر الله..

زياد:(غيل فهموها علاش داوية وهو يرجع شايف فنوال كايضحك) هاد بنت خوك غادي تخرج لي القلب شي نهار..

سيرين:(كانت واقفة كاتضحك عليهم وعلى أفكارهم المنحرفة) هايهاي على الفقهاء ديالنا وليتو كاتفهمو كلشي بانحراف, خليو عليكم الدرية مسكينة راها على قد الحال فالعقل وفالفم

جمانة:(شافت فالدراري باقيين كيضحكو وهي تغوبش) مالكم كاضحكو؟؟

ياسر/عدنان: والو ههه

سيرين:(جراتها معها) يالله الحلوة ديالى راه غيل تاقا فيك باك وجه الله أما تشدي سلخة على هاد العربية العوجة ديالك,(ضحكات) قالتلك الحلوة

زياد:(باس نوال فجبهتها) يالله سيري ترتاحي شوي انا نمشي نكمل شي خدمة عندي ونرجع واخا؟؟

نوال: واخا الله معاك

زيد:(سلم على مرات خوه مبارك ليها) مبروك عليكم

نوال: الله يبارك فيك

زيد: اييه واعنداكم مادووقوناش فالحلوة ههه

سيرين:(حبسات الضحكة وهي كادوور فراسها باش ماتفرشش) 

زيد: هه غيل ضاحكين, الله يسخر ليكم..

الكل: آمين(توجهو الدراري لبلاصتهم والبنات كذلك ضايرين بنوال بحال النمل وعلى فمهم غيل ما شاء الله وتبارك الله)