السعادة قسمة ونصيب❤️🥺

🥺❤️52

ساجد:(باستفهام) علاش شنو كاين؟؟(شاف فزياد اللي حرك ليه راسو بحتا أنا ماعرفتش)

نوال:(بابتسامة مطمئنة) اه  اليوم عندنا الحمام, وخاص البنات كلهم يكونو باش يفرحو مع ندى وسلوى

نرجس:(بفرحة) آه آه هادي هي, الحامام

زياد:(حرك ليهم راسو بتفهم) اه ايوا بصحتكم مسبقا...

نوال:(شافت فيديها الساعة وهي تنطق بسرعة) زياد عطيني سديم, أنا خاصني ننزل(خداتها منو بتضايق ومشات كاتسربي فخطواتها)

زياد:(شاف فنرجس بتخنزيرة) صافي تهنيتي, زيزو زيزو(كايعييبها)

ساجد: ياكما؟؟(بنضرة تسائل)

زياد:(بتغوبيشة) اش بانليك, علاش هاد الزمرة كاتعرف دير شي حاجة مفيدة(بغيظ) مالقات غيل وحنا بزوج

ساجد:(ضار عند نرجس مخنزر فيها وهو يجرها مزيير على يديها ونازلين) لا حول ولا قوة إلا بالله, شحال من مرة خاصني نقولك فاش تلقايهم بزوج خاصهم يتقربو ماشي تزيدي بعديهم

نرجس:(بعدم فهم) شنو بيبي؟

ساجد: زمر هادا ماشي بيبي, دوزي قدامي هنينا(نزلو للتحت ڭالسين مع الدراري ونرجس كاتعاود ليهم مرة مرة على مغامراتها البوليسية, أما ساجد اللي تضايق من شنو دارت وزيد عليها اللباس اللي لابسة حداهم)

تم داخل ياسر وعدنان للكوزينة باش يشربو الما حتا لقاو نوال والبنات, نطقو بصوتهم المبحوح

ياسر: صباح النور(قرب لحدا نوال واخد كاس ديال الما) صباح النور ختي نوال

نوال:(شاف صوتو عيان وهي تحط داكشي اللي فيديها) ياسر, مالك على الصباح؟؟

ياسر: كح كح كح والو غيل رواح يمكن اللي ضربني(خنزر فجنة وسمار)

نوال: كيفاش ضربك البرد والبارح ماكان لاشتا لا برد؟؟(صغرات فيه عينيها) فين كنتي؟؟

ياسر:(قلب عينيه جهة عدنان) فالدار

نوال:(شافت فايمن اللي حرك ليها راسو) اهاه ونتا أعدنان؟؟

عدنان: شنو أنا(ماجا يكملها حتا كحب هو التاني) كحكحكحكح..

نوال:(نطقات بحدة) فين كنتو؟؟(شافت جهة البنات بتساؤل)