السعادة قسمة ونصيب❤️🥺

🥺❤️13

نعرفكم شوي على العائلة الكبيرة ديال البطل اللي ماعارفين عليه دابا غير سيرتو وأسرتو الصغيرة...

الحاج هود العلوي: الجد ديال العائلة وزوج الحاجة صفية, رجل عربي من أصول ملكية مغربية عريقة, أب لزوج ولاد وبنت, تعاملو زوين مع الناس وحكيم فأفعالو(الحكيم الأكبرهو الله سبحانه وتعالى), كلامو هو اللول واللخر فالدار, والدراري ايلا ماتشاوروش معاه راه مادارو فيها مايصلاح حيت هو مول الراي والشوار, أما البنات ايلا كانو بغاو ينجاو من شي عقاب فهو اللي كاينقدهم ديما والبنت بالنسبة ليه نعمة عظيمة من الله سبحانه وتعالى, معروف بمقولتوالشهيرة "عظمة الرجل من عظمة المرأة وعظمة المرأة من عظمة نفسها"  

سهيل العلوي: الإبن الأول متزوج وأب لولد وبنت, رجل أعمال ساكن خارج المغرب ومن الناس اللي مع الحق, ماكايبغيش العنف وماكايحملش يضر شي حد ولو يكون هو ضرو, كايعجبوه التجمعات العائلية وغيل كاتوصل العطلة كاتلقاه شد كونجي ونزل للمغرب هو اللول من بين خوتو, عندو صديق الروح للروح هو أمير العريفي..
مروى: زوجة سهيل وأم أولادو, طيوبة ولسانها حلو مع كلشي, حشومية وفنفس الوقت وجهها قاصح وماكاتحمش من أنها تقول الحق

ياسين وسليمة العلوي: أبناء سهيل ومروى, الولد هو الكبير وعندو 34عام, متزوج ببنت عمتو تقوى أريان وأب لولد وبنت فقط,  من التجارالكبار للمجوهرات في المغرب, وعندو محلات حتا على برا البلاد اللي هو خدام فيهم نيت مع مراتو, ختو سليمة العلوي بنت زوينة وضرييفة لكن قاصحة مع اللي صغر عليها, ماكاتبغيش تبيين حنييتها باش مايضسرش عليها الواحد لكن برڭاڭة وفيها الفضول بزاف زوجة مراد اللي هو صديق البطل ديالنا, وصديقة نوال لكن من شحال ماشافتها بسبب البعد اللي بيناتهم , أم عدنان(ولدها الكبير)

سديم وثرية العريفي: سديم أم البطل, ماتت قبل سنوات قليلة من موت ختها ثرية اللي هي أم البطلة, كانو بنفس الكاريزما والمواصفات, من النساء الرزينات, كلمتهم واضحة ومفهومة وماكايتدخلوش فأمور غيرهم...

سكينة العلوي: البنت الصغيرة للحاجة صفية, متزوجة من رجل باكستاني سمييتو فهد أريان تعرفات عليه فاش كانت كاتقرا, مرا زوينة وعاقلة ضرييفة وكاتتعامل مع الناس بكل عفوية مافيهاش التبعكيك والعياقة رغم أنها كاتبان من صحابات الشيكي, أم لزوج بنات اللي هوما تقوى أريان زوجة ياسين وتقى أريان زوجة أنس ...

الحاجة لالة سماح ,الحاج سيد يعقوب العريفي: أجداد أبطال القصة, الحاجة سماح من المراوات الرزينات والمتيولات, كايعجبها البلدي وكأي مرا مغربية حرة, علمات ولادها وحفادها على الكلام الثقيل والرزين والأقوال الشعبية القديمة اللي لازم على كل مغربي يعرفها, مرا حرة وعاقلة وواعية بأفعالها وأقوالها, لسانها حلو ويدها مكرامة ومولات الدار الكبيرة, ماكاتشدش الزكير مع بنادم بالعكس حنينة وكلشي كاتعجبو وكايديرلها ألف حساب وحساب...أما السي الحاج يعقوب اللي هو جد البطل والبطلة من الأم شديد وصارم وقوي, كلامو الفوق الفوق وعمرو يحني الراس, رغم أنه حنين على بعض الأفراد إلا أنه صعيب مع البعض وكايقولك الراجل اللي يحني راسو للمرا ماشي راجل, لكن بعد موت بناتو بزوج عرف بقيمة المرا وحق الوليدات الشي اللي خلا قلبو يلين شوي ويحسن تصرفاتو مع البنات خاصة...اب  لزوج بنات ثرية وسديم اللي ماتو وأمير اللي هو الكبير