جمانة:(دوزات يديها على خصرو معنقاه بدورها تاهي) اممم حتا نتا جيتي غزال بحال ديما(ضحك عليها وعلى عفويتها مكملين الطريق اللي ولات كاتضلام؛ مرة تشد فيه بسبب نباح الكلاب ومرة تطلق منو وتهز جلايلها حتا وصلو للدار)
ياسر:(تلاقا ببدر حدا الباب وبرفقتو بنت) السلام عليكم(طلعها ونزلها وهو يشوف فبدر غامزو)
ميس: عليكم السلام(بابتسامة)
بدر: احم هادي ميس, صحفية معانا فالمجلة وصديقة سيرين...
ياسر/جمانة:(أومأو ليها راسهم باحترام) متشرفين
بدر: هادا ياسر ولد ختي سدرة, وهادي جمانة بنت ختي رغد
ميس: متشرفين
جمانة:(قربات لخالها بهمس) ياوكون تشوفك ياسمين أخالي عمرك تحلم تشوفها(غمزة)
بدر:(خنزر فيها) إيلا سكتي ماغادي يوقع والو
جمانة:(دووزات على فمو زعما راهو مسدود) سرك فبير من جهتي
ياسر: دخلي مرحبا بيك(قرصاتو جمانة وهو ينطق بحشمة) احم سيرين غاتكون الداخل
بدر:(بتوتر) تبغي تدخلي عندها ولا حتا تجي هي؟؟(كايطلب من الله تقوليه تتسناها حتا تجي, خايف من ياسمين لاتشوفو معاها تاني)
ميس: أوكي يالله ندخلو...
ياسر:(همس لبدر مخلي البنات سابقينهم) مشيتي فيها العشير, ياسمين طاارت
بدر: أودي غاسكت الله يخرج هاد الليلة على خير,(خنزر فيه) حتا نتا ماجاك الصواب ديال والو تالدابا
ياسر:(ضحك عليه) إيوا أنا بعدا مصواب كييتك نتا الصحيب
بدر:(ضربو لكتافو بقوة) سير قبل مانقتلك
ياسر:(مشا معنق جمانة وهو كايضحك على بدر, مرة مرة ينغزو زعما ناري مشيتي فيها كايخليه غيل يبدا يخنزر)
عدنان وأيمن:(ناضو كايسلمو على بدر حيت ماكانش معاهم الصباح) على سلامتك أخويا
بدر: الله يسلمكم, فين سيرين؟؟
عدنان: راها خدات البنات من قبيل على ما أضن مع الناس الداخل
أيمن:(نغز ولد خالو وهو كايشوف البنت اللي معاه) شكون هاد التيتيزة؟
بدر: هايهاي مابقيتيش كاتحشم أولد خديجة
جمانة:(شدات فميس كاتعرفها عليهم) هادو الدراري أيمن وعدنان,(شافت فالدراري) وهادي ميس صحفية, صديقة سيرين وبدر
الدراري: متشرفين(أومأت ليهم ميس بمتشرفين وڭلسو فمقاعد الحديقة اللي كانت مبردة ومنورة بالأضواء)
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
