الشوق أضرم خافق الكلمِ ... فذوى فؤاد الشعر بالألمِ...
البعد زاد الحزن في كبدي... و غيابكم أدى إلى عدمي...
فَقلوبنا اشتدت مواجعها... و مراكب الأشواق كالحممِ...
أو...
زياد:(تعصب بسبب كلام جداتها ليها وهو يضرب على الطبلة) الحاجة أنا كانقدرك ونتي فوق راسي كثر من الميمة, ولكن هادشي اللي كاتقولي فيه راه حتا العدو ماينطقش بيه, نوال ماليها حتا ذنب هي تزوجات حيت نتي باغاها تتزوج وباغاها تكمل حياتها ولو نتي تكوني فكرتي فيها وفحياتها وفاستقلالها ولكن راك دمرتي حياتها فنضرك هاد الزواج من اللول كان قرارها بوحدها ولا شي حد تدخل, وأنا متأكد أنكم كاملين زدتو معاها خطوة بخطوة باش يكون عندها راجل وترفعو راسكم بكلام الناس, نتوما ماكاتفكروش فبنادم حتا أنكم مفكرين البنات غيل آلة تتزوج وتولد هادي هي المرا فنضرك اااا, ماباغيش نتدخل فعلاقتكم حيت ماكايهمنيش ولكن نوال وسيرين بنات خالتي وبنات عمي المرحوم, خلاوهم ليك أمانة فرقبتك ولكن للأسف بنات حياتها وتعدبات فالغربة بلا ماتقوليكم والو حتا من الطلاق ديالها تاحد فيكم ماسول علاش وكيفاش وقع,ومن أول خطوة دارتها لأجل حياتها وسعادتها تلقيتو ليها بالإهانات والتحقير بحال ايلا هي حيوان, سبقتو العيب قبل حتا ماتعرفو شنو كاين, وكانتمنى أنك تسمحي لراسك وتدعي ربي يسمحليك على مادرتيه فيها, هي ساكتة ونييتها زوينة ولكن المستغل كايبقى مستغل...(جرها معاه وعييط لندى تجيب ليه سديم اللي باتت معاهم) يالله أنوال(خرجها وهي كاتبكي وعينيها حومر بالدموع, أما واحد سي يعقوب غيل بلا ماندويلك عليه)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحاج يعقوب:(العجاجة خارجاليه من نيفو) واش عارفة شنو كاتخرجي من فمك ألالة رقية؟؟
أمير: الله يهديك أخالتي الحاجة واش نتي داوية من نييتك؟ شنو جاب شي عار والا شي فضيحة للبنات؟؟
الحاج يعقوب: ألالة رقية يديرو اللي بغاو يديرو كايبقاو حفييداتك وهاد الهضرة اللي قلتيها غيل غاتخسري بيها بناتك, شنو ستافدتي من تسبيقك للعيب على البنت؟ أأأأ, إييه نقولو راك خفتي عليهم ولكن شنو ستافدتي من هاد الهضرة الخايبة قبل حتا ماتعرفي شنو واقع؟؟
لالة رقية: اييه وليت دابا نسبق العيب وكلامي مامنوش أسي الحاج, إيوا الله يجازيك بالخير لا نتا لا حفيدك...(قلبات وجهها)
ربيع: الواليدة الله يرحم ليك الواليدين غاسكتي, من اللي دخلنا ونتي تشعلي على البنت هاهي داابا مشات حتا مانفهمو شنو وقع..
