الشوق أضرم خافق الكلمِ ... فذوى فؤاد الشعر بالألمِ...
البعد زاد الحزن في كبدي... و غيابكم أدى إلى عدمي...
فَقلوبنا اشتدت مواجعها... و مراكب الأشواق كالحممِ...
أو...
زياد: تسندي عليا, صحتك باقا عيانة ..(دخلها للدار بعدما لقا الباب محلول حيت كان صيفط لخوه فميساج باش يخليه ليهم, ضحكات بينها وبين راسها على فعايلو اللي كل مرة مفاجأها بيهم حتا شاف فيها وهو سادو) ماتعييش راسك بقوة الأسئلة رتاحي ومن بعد كل حاجة فوقتها زوينة...
زيد:(تعرض ليهم على باب الكوزينة وهو يعييط) هاي الاخت توحشناك
نوال: يتوحشك الخير أزيد
سيرين:(كانت نازلة مابيها ماعليها حتا سمعات صوت ختها اللي كاتدوي مع زيد وهوما كايضحكو حنات الراس ومشات بخجل داخلة كاتشوف فختها كيفاش فرحانة, ماإن ضارت نوال رامقاها تاعبسات بملامحها الباهتين من الشيء اللي قالتليها نوال البارح ) احم صباح النور
الكل: صباح الخير..
سيرين:(وقفات كاتصايب الفطور بكل هدوء على غير عادتها, حطات فالطبلة داكشي اللي قسم الله وڭلسات كاتاكل هي اللولة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
زياد:(بغا يكسر الصمت اللي بين نوال وسيرين وهو ينطق بكل عفوية) الله يعطيك الصحة, الفطور زوين
سيرين: بصحتك(ابتاسمات ليه بخجل على بالها بأن تاحد فيهم ماغايدوي معاها لكن زياد بهضرتو حشمها وعطاها أمل)
زيد: اللي شافك يقول ماشي هي نتي ديك البرهوشة اللي ماكاتخدمش العقل...
زياد:(خنزر فيه وهو يشوف فسيرين اللي تقرصات) راه غيل كايضحك معاك, ماتقلقيش منو...
سيرين:(بابتسامة باهتة) عادي ,ماشي مشكيل..
ڭلسو كايفطرو ومرة مرة زياد ولا زيد كايدويو فمواضيع متنوعة غيل باش يخرجو نوال وسيرين من ديك الصمت اللي مالئ الجو, دازت نص ساعة وكل واحد مشا لدارو يرتاح واللي عندو شي شغل مشا ليه, من غير نوال وزياد اللي قررو بعد ساعة يمشيو عند الحاجة باش يطمنوها ويفهموليها شنو وقع البارح فجهة خرا واللي كانت الفيلا ديال عائلة التوزاني, الساعة كاتشير لل11صباحا, تمات خديجة نازلة مسكسفة على الحالة وريحة العطر ديالها كاتعطعط مع كل خطوة, ڭلسات مبتاسمة
خديجة: صباح النور
الكل:صباح النور
لالة رقية: إيوا الله يسمعنا خبار الخير على الصباح...
