خديجة: أشمن حشومة تانتي الحاجة, علاش بقات السيدة داياها فشي حد راها مشات تعيش حياتها فالداروحدها مادايرة لا بحساب الكبار لا بحساب الصغار, ورجليها خرجو الشواري غيل الله يحفظ وليداتنا ووليدات المسلمين ياربي, ماتعرفيها دابا فدارها ولا مع شي حد, وباش كملاتها وجملاتها دايا معاها سيرين بقاتليها غيل ختها اللي تخرجها على الطريق
لالة سماح:(ماعجبهاش الحال كيفاش دوات خديجة على حفيدتها) الله يسمحليك أبنتي وصافي, واخا تكون كدير الخايب ماتدويش فضهرها, وكيف كيقولو الحكماء" النميمة لا تقرب مودة الا أفسدتها ولا عداوة الا جددتها ، ولا جماعة الا بددتها", اتقي الله فراسك وفالناس تعيشي بيخير ابنتي...
مروى: عندك الحج اخالتي الحاجة, وكايقولك "اللسان الطويل دلالة على الغيرة"
خديجة:(خنزرات فيها وهي تنطق بعصبية) شفتكم بحال ايلا جيتو من جيهتها ووليتو تعايروني, وأصلا ماعندي لاش نغير منها باش زايدة علينا غيل بالمشاكيل الله ينجينا
سليمة:(بقلة صبر) خالتي أنا مكنعرفكش مزيان وعارفة بيلا ماشي من حقي نتدخل لكن نوال صاحبتي وكنعرفها مزيان, عمرها قالت كلمة الخايب فوجه بنادم ولا فضهرو, هاكا علاش من الأحسن ماتدويش فبنادم اللي نتي ماعارفاش نييتو وسمحيلي ايلا تقلقتي مني ولكن كلام الحق عمرو يعجب بنادم...
سقلات السيدة والبنات ولاو يتغامزو عليها أما واحد سكينة فغيل ساكتة وكاتطلع وتنزل فيها ماهي مشييكة ماهي عادية وباينة فيها مسيميمة, الكل مخنزر فيها وكايحاولو يبعدو من الكلام اللي يقدر يفسد جماعتهم, أما عند الرجال فسهيل وأمير طالقينها ماكاين غيل الضحك والتكركير معاهم مراد وداوود ونائل اللي تاهوما خاص غيل معامن, الصالون تهز غيل بالضحك ومع الدخلة كايتسمعو قهقهاتهم الرجولية ومرة مرة ضحكات الدراري الصغار كذلك,أما رغد اللي تلاقات بسليمة وسدرة وتقوى وندى اللي شادينها بالتكركير على التحشيمة اللي تحطات فيها خديجة ومعاهم حتا سلوى بنتها اللي عجباتها لالة سماح ومروى فيها مامسوقاش كاع واش ماماها ولا ماشي ماماها حيت تستاهل, أصوات الكيسان ديال أتاي والهضرة ديالهم مع غوات الدراري والبنات الصغار كايتسمع لفين وفين
نخليوهم ونمشيو عند البنات اللي تسخسخو هاد الصباح, بعدما سالاو غداهم فالمطعم قررو يمشيو أولا للدارعند جداتهم يسلمو عليها واخا سيرين تعكسات ليهم لكن كلام نوال هو اللول واللخر ومشات بسيف عليها, لقاوالكل خارج من غير ياسمين اللي كلسات حيت ماماها مابغاتهاش تمشي للعراضة الشي اللي ستغربات ليه جنة وسيرين أما نوال فعارفة مزيان عمتها
نوال:(كالسة وعينيها على عينين ياسمين اللي منفوخين بالبكا) شنو درتي حتا مابغاتكش تمشي؟؟
سيرين: باينة ماخلاتهاش حيت يسحابليها بيلا غادي نمشيو حتا حنا
نوال: سيرين سكتينا وطلعي تنعسي ايلا بغيتي تنعسي يالله...
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
