سيرين:(بزعفة) إيلا هبلت ونجي عند دوك الغدارات, أصلا حنا غاديين لفاس(بتكبر)
الحاج يعقوب:(غيل سمع فاس وهو ينسا شي حاجة سمييتها حفادو وولادو, حط بنت شعيب وهو يشد اليتيلفون من يدين صفية) فاس؟؟ شكاديرو ففاس؟
سيرين:(بتكبر) غاديين ناخدو الخاتم لخطوبة ختي الحبيبة بولد خالتي سيد الرجال زياد العلوي
الحاج يعقوب: أديك البنت شدخل شطابتك تماك,(بنبرة تهديد) راكي كتقلبي عليا تاني
زياد:(حبس الطوموبيل فالطريق وهو يشد التيليفون مكالمي الحاج) الحاج؟
الحاج يعقوب: ولدي شكاتقول ديك الشيطانة تاني؟
زياد: إيوا ماقالت عيب, راه عندها الحق بقيتي غيل نتا والحاجة تجيو باش نطلب يدين البنت ولا ماناويينش تعطيوهالي؟
الحاج يعقوب:(بفرحة) اللي هرب من الزواج هرب من الطاعة ياوليدي مانزيدوكم غيل الصلاة على النبي
زياد: إيوا يكون خير الحاج, خصكم غيل تنزلو هاد العشية, أنا عندي الخدمة مزيييرة مورا عرس البنات ومابغيتش نزيد نطول فهادشي اللهم دابا ولا نبقاو سير أجي
الحاجة سماح: ألله اوليدي على هاد الخبار الزينة دابا نرجع عند البنات باش نوجدو للعشية
سيرين:(بفرحة) ميمة عنداك تقوليلها شي حاجة راحنا دايرينها غيل مفاجئة حتا إيلا سولاتك قوليلها بغا غيل يدوي فيك مهم نتي تعرفي ولكن ماتعلميها بوالو عافاك
الحاجة سماح: مرحبا يابنييتي, يالله سيرو وماتعطلوش تاني لله يرضي عليكم وينور طريقكم(قطعات معاهم والفرحة ديال العائلة زادت كثر بسماعهم لهاد الخبر)
أما زياد فكمل طريقو للوجهة ديالهم بعدما علم خوه يلاقيه تماك تاهو ماحدو مازال ماطلع لشغلو, فالدار عند سدرة ونوال اللي واخا العيا والنعاس غالب عليهم اليوم, إلا أنهم جمعو الطبلة ديال الفطور وتعاونو على زوج ديور سييقوهم وردوهم كايشعلو بالنقاوة وريحة العطور والبخور الإماراتي, رجعو يتعاونو فالكوزينة على الغدا وداكشي اللي خاص يوجد حتا نطقات سدرة بفضول وهي كاتشوف اهتمام نوال فداكشي اللي كانت كاتصايب
سدرة:(بارتباك قليل) نوال بغيت نسولك؟
نوال: أهاه سولي مرحبا(باهتمام)
سدرة: احم نتي عارفة خويا كي داير فطبعو, واش تقدري زعما توافقيه فهادشي اللي كيدير,(شافت نضراتها واهتمامها لكلامها) زعما نتي خاصك تفرحي براسك وهو عارفينو غيل داير الخاطر وصافي وبعض المرات كايكون قاسي وقاصح فتعاملو مع الناس ونتي شفتيه البارح كيف دار
نوال:(فهمات قصدها وهي تبتاسم يها بتفهم) أنا عشت مع الشخص الغلط وعشت حياتي كيف كنت باغاها وعرفت سر نجاح زواج زوج ديال الناس, بالنسبة للعرس فأنا هي مولات الفكرة حيت زياد سولني من قبل وأنا اللي قتارحت عليه باش تكون حفلة عائلية فيها عقد القران وزفاف عادي بلا مانبداو نضييعو فالوقت هو عندو خدمتو وتاأنا عاد بادية حياتى من جديد بلا مانزيدو نطوولو فهادشي, وبالنسبة للعلاقة ديالنا فكانتمنى تكون مزيانة وناجحة واخا أنا متأكدة غاتكون من القرارات الصائبة اللي تاخدتها فحياتي لكون زياد راجل وشفت منو غيل الخير من نهار كنا صغار حتالدابا عمرني سمعت منو كلمة ديال العيب زيدي عليها قضية العرس والإعلان على علاقتنا فهاد المغرب أنا ماغاديش نكلف عليها راسي باش بنادم يجيني بالحسد والنية الخايبة ديالو
أنت تقرأ
السعادة قسمة ونصيب❤️🥺
Romansaالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
