طوماس: غيل احتراما للهم, المهم خليتلكم فراحة
سيرين:(شافت بنص عين جهة زيد اللي مقابلها وعاقدهم) خليك تتغدا معانا, ياك قلتيلي غاندويو قبل ماتمشي فمرة...
غيث: لالا اليوم انا عارضكم للغدا, الحاجة وصاتني مانرجع تانجيبكم معاي ماعندي ماندير
سيرين:(بابتسامة) مزيان, صافي نمشيو مع عمي غيث, بالمناسبة هادا راجل خالتي الله يرحمها...
طوماس: Geehrt"متشرفين"
غيث: Die Ehre ist meine"ليا الشرف", ولدي زياد؟؟
زياد:(كان منغامس مع نوال حتا عييطليه) نعام الواليد؟؟
غيث: راحنا غانمشيو, ماناويش؟؟
زياد: وي الواليد عندي شي غرض أنا ونوال, نساليوه ونجيو غيل سبقونا
زيد: يالله أزياد يالله,(مشا وهو مخنزر)
نطالق كل واحد فيهم لشغلو, في حين نوال اللي وصات سيرين تمشي للدار وخدات معاها طوماس بحكم معروضين فكان ضروري يمشيو مع بعض باش هي توريه شنو يدير وتعرفو كثر على عاداتهم وتقاليدهم, أما هي فتاجهات مع زياد للكلينيك حيت عندها رونديفو ضروري ومستعجل, وداكشي اللي كان ماهي إلا ساعة ونص مابين الطريق للكلينيك والرجوع منو حتا كانو قدام الدار ديال نوال
نوال:(شافت فيه بعيون دامعين) زياد شكرا بزاف على كاع اللي درتي معاي...
زياد:(بابتسامة) هذا واجبي, وكيف سمعتي ماتبدايش تتعصبي ولا تقلقي على أتفه الاسباب
نوال: نونو مابقيتش غادي نتعصب أبدا...
زياد: احم وفكري مزيان فشنو قلتلك, غانبقا نتسناك تردي عليا...
نوال:(بحشمة) اوكي أنا غادي نرد عليك فأقرب وقت(خرجات من الطوموبيل)
زياد: تهلاي فراسك أنوال
نوال:(ضحكات على تصرفاتو وحنانو معاها) واخا أزياد(توجهات للدار, كاتسمع قوة الهضرة والضحك, كانت سيرين وطوماس اللي مرونين الدار فحال الدراري الصغار كايموتو بالضحك والدنيا مقشبلة) سيرين شنو هادشي؟؟
سيرين:(تصدمات وتخلعات) ختي؟؟
طوماس:(بجهد الخلعة مسكين بقا غيل كايحنزز وهو واقف كيف السفود)
نوال: شنو واقع مالكم على هاد الحالة؟؟
سيرين:(بحشمة) كنا غيل كندويو, سمحيلنا أنا نجمع هادشي...
نوال: سيري وجدي راسك باش نمشيو لعند الناس, خلي هادشي وعطي لهادا شي حوايج كان نائل مخليهم عندي يالله
سيرين: واخا...(مشات طايرة وجارا معاها طوماس اللي فرح مين تعاملات معاه نوال بحال ايلا راه واحد منهم)
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
