سيرين:(مشات منوضاه وهي تابعة السيد العصبي ديالنا)نوض نوض, تبعني وسكت قبل مانزيدو نغرقو
زيد:(أشار للبوليسيين اللي كانو جابوهوم) وجدولي التقرير ديال غدا بخروجهم,(شاف فيهم كيفاش تابعينو بحال شي وليدات صغار وهو يرجع نضرو للأمام متوجه للسيارة, مع حلها وهي توقف باغا تطلع واخا خنزر فيها لكن مامنعهاش وهادشي اللي زاد من جرأتها حتا طلعات)
طلع طوماس اللور وسيرين حدا زيد كاتفرك فيديها ومتوترة لواحد الدرجة, الموت ديال الحشمة شاداها ومتوترة من هاد الواقعة اللي صارت, زيادة على أنه تعصب ودار حالة فشكل عمرها شافتها فيه وهنا عرفات بيلا راه زيد الضحوكي ايلا مشا حتا تعصب ولا طلعاتليه القردة اش جا مايبردو والا يفهمو شي حاجة, إضافة إيلا أنها حسات بواحد الشعور آخر خافت منو أوبالأحرى خافت من أنه يفهم علاقتها بطوماس بشكل غالط موالفة تتناكرمعاه ويدابزو على أبسط الأمور لكن اليوم كان غير الأيام السابقة...
نمشيو عند الأبطال ديالنا اللي مين وصلو للكلينيك وهو يدخلها بالغوات, لحسن حضها تلاقاو ببعض الفرمليات عندهم مناوبة داروها فالباياص ودخلوها على الفور, فحين أنه هو اللي بقا كيدورفداك الكولوار وعينيه حومر بسبب هاد الشوهة اللي وقعات, رغم أن تاحد ماعارف بيلا سيرين بنت خالو لكن نفسو مابغاتش ليها أنها تكون بحال بنات الليل اللي كاتلا بيهم فالكوميساريات بالصح هو ماعارفش عليها بزاف وماغاديش يظن فيها السوء, لكن الشيطان فبحال هاد الأوقات كايسيطر على عقولنا واللي كنتي معاك مزيان كاتضن فيه الخايب...
زياد:(تلقا للطبيب اللي خرج وعينيه كايفتشو على شي حد معااها حتا تلاقاليه زياد) دكتور؟
طبيب:وي سيدي واش نتا من العائلة ديال المريضة؟؟
زياد:(غيل سمع كلمة مريضة وهو يفشل لكن مابيينش) وي, شنو واقع؟؟
طبيب: للأسف السيدة تأزمات الحالة ديالها وكان عليها تجي قبل من اليوم, صراحة كانتأسف للحالة الللي هي فيها لكن ماعندنا مانديرو من غير أنها تبدا العلاج من أول وجديد
زياد:(مافهم والو, مع بغا يسول الطبيب حتا لقاه مشنوق) ش...؟؟
سيرين:فين هي ختي شنو وقع ليها, قولي عافاك شنو وقع؟؟ واش هي بيخير مابيها والو أنا والله ماقصدت نخووفها عليا, قوليها تخرج عافاك..
طبيب: الالة علاش داوية, واش نتي مسطية ولا مالك؟؟
زياد:(داز شدها وهو مخنزر فيها) سيرين, رصاي وتهدني خلينا نعرفو شنو كاين؟؟
سيرين:(عاد عاقت براسها شنو دارت) سمحلي سمحلي بزاف, ولكن واش ختي بيخير عافاك قولي أي حاجة عليها..
زياد: سيرين تهدني اوكي, دابا نعرفو شنو كاين(وجه كلامو للطبيب) ممكن نعرف علاش كنتي كاتدوي حيت حنا ماعلى بالنا بوالو
أنت تقرأ
السعادة قسمة ونصيب❤️🥺
Romansaالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
