السعادة قسمة ونصيب❤️🥺

🥺❤️30

عند نوال اللي غيل خرجات سيرين لخدمتها دخلات متكيا على الحيط ديال الكوزينة بعياء, شافتها رغد وهي تمشي تعاونها باش تڭلس على الكرسي

رغد:(شادة كاس ديال الما) شنو كديري فراسك أنوال شنو؟؟

نوال: شش غيل بشوي البنت محرا فاقت دابا تخلعيها

رغد: نوال, ختي صحتك غادا وكاتدهور يالله عند الطبيب أنا مامرتاحاش عافاك غيل يالله...

نوال: رغد دوينا البارح(بزز باش كاتنطق حتا الكلام) مابيا والو ونتي عارفة بيلا العيا مرة مرة غايجيني ماتبدايش تحكري صافي..

رغد:(بقلة حيلة) لالا مايمكنش نخليك هاكدا,(هزات كاتصوني على سلوى لكن والو, فكرات وهي تصوني لزياد اللي قريب ليهم ولكن تاهو ماكانش كايجاوب وهي تكلس حاطة راسها على يديها بتعب ماحيلتها لراسها ماحيلتها لنوال اللي عيانة)

نوال:(كتشوف فيها بعيون باكية) شفتي آخرة اللي يبغي من قلبو, هانتي شفتي على عينيك شنو كاين

رغد:(سكتات وهي كاتفكر فشنو غادي يديرو وغيل هوما بزوج اللي كاينين فالدار) فين الدوا ديالك أنوال فينو؟؟

نوال: راه فالبيت الفوق(هزات عندها سديم اللي كانت كاتبلقق عينيها فيهم مسكينة ماجايبة للدنيا خبار, حتا جابتليها رغد الدوا)

داز الصباح على كل واحد شي جاه طويل بسبب الألم اللي كايحس بيه والشوق لحبيبو, وشي جاه قصير لوجود الناس اللي كيبغي معاه وحداه بحال سيرين وزيد اللي واخا خدمتهم شاغلاهم على بعض إلا أنهم دوزو نهارهم عادي وفرحانين الشي اللي ماخلاهمش يتفرقو وقت الغدا, سيرين اللي ڭالسة كادور على الموضفين بالماكلة اللي جابت معاها كيف عادتها

سيرين:(رجعات وفيديها كويرطينة صغيرة مليئة بالباقي من البيتزا والسوندويتش) اووف عييت