السعادة قسمة ونصيب❤️🥺

🥺❤️12

فطرو فجو مليء بالضحك والتقشاب من نهار نهارهم وهوما مجموعين على الخير والضحك والفرح, الكبار مادايرينش فرق بين وليداتهم ولا حفادهم كانو بنات ولا دراري, والصغار مادايرينش فرق بين خوتهم وولاد ولا بنات عمهم, جماعتهم وعلاقتهم مع بعض زوينة وكاتزيد تزيان مع الوقت, دوزو الصباح فالهضرة والدراري كل واحد فيهم مشا لشغلو

أما عند البنات اللي كانو وصلو للمركز, نزلو من اللوطو وهوما كايدوورو راسهم فالمركز اللي كان واسع وكبير بحال شي مول, مغاير تماما على مراكزالشرطة اللي كاينين فالمغرب, دخلات نوال هي اللولة بمشيتها ونضراتها الحادين, كانت كاتبان بحال شي ملكة بشهامتها وقوتها ولباسها الإسلامي, البنات من وراها كايتمشاو والتوتر باين على ملامحهم على عكسها هي,أنضار الجميع عليهم 

نوال:(مشات للإستقبال) سلام عليكم

البوليسية:(طلعاتها ونزلاتها بديك اللبسة المستورة والنور اللي على وجهها بابتسامة) عليكم السلام مدام, شنو حب الخاطر؟؟

نوال:(بابتسامة محدودة) بغيت الضابط زيد العلوي ايلا ممكن, عندنا رونديفو ديال السطاج...

البوليسية:(طلعات ونزلات البنات اللي كانو ورا نوال وهي مخنزرة) وي مدام بلاتي واحد الدقيقة (صونات لسعاد وبقات كتدوي معاها حتا قطعات عليها موجهة كلامها لنوال) مدام التوزاني يمكن ليك تدخلي عند المكلفة,(شارت ليها منين تمشي ورجعات لخدمتها مشغولة مع الناس اللي كيدخلو كل واحد وهمو)

تبعو البنات نوال اللي رادة لبال لكل خطوة كديرها ومترقبة أي عين كاتناضرها, أما جنة وسيرين فعينيهم غيل على الدراري مرة يدويو بالغوات حتا تغمزهم نوال باش يسكتو ومرة يدويو بين بعضياتهم مامهتمين لتاحد شنو غايقول ولا شنو داير فراسو...

سعاد:(مدوزة أبيل فالفيكس الخاص ببوسطها) أوكي حضرة الضابط, أه واخا(هزات راسها إثر رؤيتها وهي تقول بابتسامة) أمرك سيدي راهم وصلو(حطات الفيكس من يديها وهي تنوض متوجهة لعندهم) مدام التوزاني, تفضلي رتاحي

نوال:(كلسات) شكرا 

سعاد:(رحبات بيها والبوليس لاخرين غيل كايشوفو من ديما سعاد مزييرة ومغوبشة فخدمتها لكن مع هاد الضيفة اللي أول مرة يشوفوها مزيانة, فكرة واحدة فبالهم وهي أن نوال شخص ذو سلطة وجاه وقيمة فالبلاد) bon مدام التوزاني راحنا قادينا الأمور والمسائل الخاصة اللي تطلبات مننا  وكانتمنى خدمتنا تعجبكم...

نوال:(بابتسامة جذابة) شكرا بزاف

سعاد:(عييطات على السيدة اللي فالكافي وطلبات منها تجيب كافي والشي اللي بغاو البنات) المهم مدام نوال, النضام ديالنا مختالف بزاف على الأنضمة الأخرى إلا أن الآنسة سيرين تقدر تاخد راحتها فخدمتها اي حاجة حتاجتها تقدر تسول عليها, ومن بعد ما تتعود علينا شوي بشوي...