السعادة قسمة ونصيب❤️🥺

❤️🥺42

فالدار عند نوال اللي ملي وصلو, عييطات لنائل باش يخرج ينزل سيرين بلا مايفييقوها, حطها ففراشها بكل هدوء وهي كاتشخر, باسها على راسها متنهد وهو يخرج لعند بناتو

جمانة:(بالدموع) كيف بقات أبابا, ياك مزيانة؟؟

نائل:(خنزر فيهم وهو يشوف فجنة اللي عارفة شنو كاين لكن حادرة راسها) مزيانة كون ماكنتوش كاتدخلو فشي حاجة خارجة من موضوعكم..

نوال:(شافت فيه بحدة وهي تنطق) نائل خويا, هوما مادارو والو بلا ماتبدا حتا نتا

نائل: لا مادارو والو نيت غيل وحدة مڭروضة بسبابهم وولات ماقادراش تتحرك غيل حيت حامات عليهم 

نوال: الله يهديك أخويا اللي سمعك يقول راه هوما السبب, السبب الوحيد هو داك المريض لللي ماعندو مايدار 

نائل: حسابي معاه هو اللخر غيل بلاتي نطمن عليها ونعرف منها شنو وقع وتما نتفاهم معاه

رغد: صافي أحبيبي ماكاين لاش تتعصب, أجيو نڭلسو علاشما يوجد الغدا

نائل:(شدها من يديها كايتمشى معاها معاونها على الحركة واخا مازال ماتقلات حتا من كرشها مازال مابانت) زيدي نتي تڭلسي

رغد: واغير بشوي..(شافتو خنزر فيها وهي تنطق بصوت دلوع) واصافي تانتا كاتعصب على والو, خلي البنات فراحة الله كلشي على داك الخانز المعفون هو اللي خاصك تتحاسب معاه

نوال: صافي دابا ماوقع والو خليوها ماحدها نعسات تتهنا شوي بعدا, يالله نرتاحو,(حييدات سندالتها وهي تلبس سندالة ديال الدار) اااح أرجلي تشرشمولي غيل بالضوران

رغد: اممم ضرتو بلا بيا ياك

نوال: هوما السباب والله ياختي مادرت والا بغيت شي حاجة هوما اللي مرضوني بغاو يمشيو للمحل يشريو شي حاجة

سدرة: من نييتك كاتشرحي لهادي, غيل كاضييعي الحجرات راها كدير اللي بغات سبحان الله كايعجبها غيل تنڭر علينا حنا ايلا درنا شي حاجة...

رغد: الوحم أحبي الوحم غيل صبرو عليا...

سدرة: سبحان الله ديما الوحم جايك عليا ماكاتحشميش 

نوال: واياربي غيل يخرج لينا الولد هاد المرة من ديما تتوحمي على طيابي على طياب سدرة على وجه زيد وسيرين على ريحة خويا وزياد صافي وفالتالي يخرجو ليك 

رغد:(مييقات فيها) إيوا الحاجة اللي ماتخرج لمولاها حرام أولالا أحبيبة

نوال: إييه وحنا ماشي ماليها ماعجبناكش

سدرة: الله أربي أختي(ناضت كاتجري للكوزينة) نسيت الشاورما لسيرين

نوال: أنا جايا نعاونك(مييقات فرغد بطنز) إيلا بقيت هنا غادي نفقد عقلي مع شي ناس