السعادة قسمة ونصيب❤️🥺

❤️🥺72

الساعة كاتشير لل9مساءا, والتيليفون كايصوني بدون توقف مخلي ديك اللي ناعسة غيل كاتصوط, بقات كاتسناه يوقف لكن هزاتو فالأخير منهدة بعياء ومستغربة فنفس الوقت شكون غايكون هادا اللي مصوني لنوال مع نصاصات الليل 

سيرين:(بدون ماتلمح الإسم) وي شكون معاي؟؟

زياد:(بلهفة) سيرين؟؟

سيرين:(حييدات التيلي من ودنيها حتى شافت سمييتو وهي ترجعو مبتاسمة) نسيبي صافا عليك؟؟

زياد: صافا نتوما مزيانين؟؟

سيرين: حمدلله شنو اللي جاك على الليل

زياد: احم إيلا حداك نوال عطيهالي باغي ندوي معاها

سيرين: احم(حابسة الضحكة) امم العاشق الولهان توحش مراتو ولا شنو؟

زياد:(بحدة) سيرييين..

سيرين: صافي صافي راها فالحمام شوي وتخرج(سمعات الباب تحل وهي تنوض مادا لختها التيليفون) هاهي معاك, ختي زياد بغاك..

نوال:(باستغراب) ألو زياد؟؟

زياد:(بابتسامة) صافا عليك 

نوال: حمدلله نتا مزيان؟؟ ياكما كاينة شي حاجة؟؟

زياد:(بنفي) نو صونيت باش نطمن عليك, كانت الخدمة مزييرة ماقدرتش ندوي معاك فالمركز...

نوال:(بابتسامة) عارفة اللي كاين ماعندك لاش تشطن, ما حدك نتا مزيان غانكون ديما بيخير

زياد: امم(حدر راسو وهو كايسلم على باقي العائلة) 

نوال:(بخجل) ياكما مشغول, سمعت صوت الناس حداك إيلا كنتي..

زياد:(بابتسامة) نتي اللي مازال ماشفت هنا, إيلا نزلتي غادي تشوفي فيني..

نوال:(سمعات صوت زيد والبنات وهي تضحك) أوكي أنا نازلة هه(قطعات التيليفون)

سيرين:(شدات التيليفون كتشوف فالسمية وهي تنطق بضحكة) اوووه على حبيب القلب تاني, هاد زياد خدا بلاصتي بهاد السرعة ولا كيفاش؟؟

نوال:(ضارت عندها وهي شادة الشال) تاحد مايمكن ياخد بلاصتك, نتي وياه مكانتكم خاصة طبعا

سيرين: اممم(بتغوبيشة) ولكن فاش غاتمشي لدارك غادي نبقا بوحدي تاني..

نوال: سييرين صافي تاني ماتندمينيش فهاد النهار, ياك غيل الصباح كنتي فرحانة شنو داابا؟؟

سيرين:(ضحكات) واصافي راني غاضاحكة معاك أختي,(قربات ليها كاتقاد ليها فشالها) أنا فرحانة أنك غاتبداي حياة جديدة مع الشخص اللي كاتبغي وكايبغيك, ماتفكريش فيا واخا؟؟

نوال: ولكن؟..

سيرين: واصافي راه 24عام دابا اللي عندي مابقيتش صغيرة أختي, أنا قريبة نخدم ونبني حياتى بحالك ونكون ناجحة