الشوق أضرم خافق الكلمِ ... فذوى فؤاد الشعر بالألمِ...
البعد زاد الحزن في كبدي... و غيابكم أدى إلى عدمي...
فَقلوبنا اشتدت مواجعها... و مراكب الأشواق كالحممِ...
أو...
دقات بهداوة على غرفة سيرين؛ هاد الأخيرة اللي من نهار مرضات قلبات وجهها عليهم بحجة أنهم مامهتمينش ليها, و حاولات تنوض, رجعات لدار ختها كاتحاول ماتبيينش بيلا راها متألمة ومقلقة منهم لكن كلشي واضح وباين, حلات الباب ببرود وهي لابسة عليها لباس رسمي كذلك علاش لا وهوما غاديين لمحاكمة الظالم, الشخص اللي عذب ملايين الناس وسرقهم بكل وقاحة, الشخص اللي دعاو عليه أهالي كثار ومنهم أهل نوال من بعدما كلشي ولا عارف أنها مادارت والو وأنه هو اللي خانها وتاهمها بالخيانة الزوجية على قبل الفلوس والأملاك اللي وارثة من واليديها, كان طماع ومن الأول كانو عينيه على الفلوس لكن تاحد ماعرف بهادشي حتا فات الفوت, وهاهي محاكمتو الأخيرة اليوم, نزلو للتحت يفطرو ومن تما عاد ينطالقو نحو الوجهة المعلومة...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في مكان آخر, وبالضبط في فيلا عائلة العلوي, كانت الحاجة مبتاسمة لحفايدها ووليداتها, عينيها ماليين بالفرحة لتواجد العائلة كاملة فالمنزل اللي ولدات فيه وكبرات فيه مع وليداتها وزوجها, الحاج اللي تاهو فرحان لفرحتها ومبشور لابتسامتها البشوشة
زيد:(همس لعدنان وياسر) شوفو شوفو الحب على الصباح...
ياسر:(ضحك وهو يهمس) والله إيلا, الله يجيب لينا معامن نتحابو ألخال(بغمزة)
عدنان: أنا بعدا مضبر على راسي...
ياسر: وايلي, شكون هادي؟
زيد: زمطك فيها العشير, السيد مضبر على راسو ونتا بقيتي بلاش..
زياد:(شاف فيه بمعنى سكت) احم احم, هنيونا(قالها من تحت سنانو)
