السعادة قسمة ونصيب❤️🥺

🥺❤️35

فغرفة إستشفائية كانت مجهزة بكاع الأثاث والأجهزية الطبية, هي اللي كانت كالسة فسريرها ويديها مملوئين بملفات ديال الخدمة, ماعلاتش راسها فالباب حيت على بالها بيلا ندى ولا سلوى اللي جاو تاني, تنهدات وهي كاتراجع الملفات اللي فيديها حتا سمعات صوتها هي اللي كانت باينة فيها عيانة ومبحبحة, بتاسمات لرؤيتها  

نوال: مرحبا بيك عندي فالشومبر الجديد..

سيرين:(ضحكات بإرهاق) هه غادي ناخدهاليك حاليا, أختي العزيزة

نوال:(بإنزعاج) سيرين, ياكما مريضة, أجي نشوف...(قرباتها ليها كاتقلب فيها ياكما تكون عيانة ولا مريضة)

سيرين: اممم يخليلي اللي تخاف عليا(شدات ليها حنوكها بتهكم كاتبوس وتضحك معاها) مابيا والو غيل كان آخر نهار فالسطاج ديالى صعيب شوي وعييت وصافي

نوال: عاوديلي شنو بيك, أنا معاك أختي

سيرين:(تنهدات وهي تخشا معاها فالسرير) غيل عييت بالخدمة وصافي, ختك أنوال ماعندهاش السوفل, غيل خليني ننعس

نوال: أوكي اللي بغيتي, أجي نعسي فحجري

سيرين:(شافت فختها بمعنى واش عادي زعما ماغاديش نألمك) الله على راحة شحال هادي مانعست ورتاحيت ياربي

نوال:(بتاسمات لختها وهي حاسا بيلا شي حاجة كاينة لكن باغا تخليها مرتاحة تاتعاودليها هي نيت وعلى راحتها)

دازت أيام وأيام وبالضبط سيمانة كاملة, سيمانة اللي وقعو فيها بزاف ديال الحوايج منهم أن نوال تحسنات حالتها وقدرات تخرج من السبيطار بعد يوماين ديال طليب سيرين ورغيبها للدكاترة حيت توحشات ختها تنعس فحضنها وترتاح معاها فنفس الدار وترجع معاها كيف كانو شحال هادي وادشي اللي وقع بالضبط, أما بالنسبة لزيد فمن نهار المشكيل اللي وقع فالكوميسيارية ماعاودش تلاقا بسيرين وحتا فاش كايصونيلها ويصوني لختها كايلقاها خرجات ولا سايحة فشي قنت غيل  باش تتفاداه, أما البقية فمكملين حياتهم عادي والهدوء والراحة هي المتعة اللي كايتمتعو بيها حاليا...
   فالمزرعة ديال عائلة العريفي, هوما اللي كانو كالسين متوترين كايتسناو غيل خبر من شي حد فالدراري يطمنهم على الوضع وكيف غاديين معاه, مشوشين على حفييداتهم ووليداتهم بعدما عرفو بالمهمة ديال زياد والقضية اللي غبر بسبابها فبرا هاد المدة كاملة وماعمرو ماسول, نطقات الحاجة لالة صفية وهي مغوبشة عليهم