زيد: والو باس غيل زياد شاغلي بالي غدا غادي نمشي نشوفو وصافي نقدر نتعطل ونقدر نرجع باش نكمل المحضر ديال سيرين, هاكا علاش مانقدرش نمشي أنا للكلية وفنفس الوقت عارفاني ماكانتيق فتاحد من غيرك
سدرة: واخا كون هاني, مهم أنا ورغد غادي نتكلفو غيل رد البال لراسك ولخوك وغيل توصل لعندو دووزولي ندوي معاه واخا؟؟
زيد: واخا, تهلاي فسيرين أختي راك عارفاها باقا مقلقة مني
سدرة:(بتاسمات لخوها) امممم ماعليكش الحب ديالى انا نتهلا فلوستي العزيزة غيل نعس على جنب الراحة
زيد: سدراااا
سدرة: واصافي راني غيل ضحكت معاك غيل تهدن, واصلا ماكدبتش يالله(مشات دخلات وخلاتو كيضحك عليها وعلى فعايلها)
فالغرفة:
نوال: حبيبة بيك شي حاجة؟؟
سيرين: عييت أختي, فين ما نبغي نبني حياتى ونعيش اللحضة بحلاوتها كاتخرجلي مشكيلة وهانتي تشوفي دابا مابقالي لا يد لا زمر
نوال: عيب تقولي هاكدا, قدر الله وماشاء فعل, ولعله خير ماعرفتي شنو كان يوقعليك كون ماتڭردتيش
سيرين: شنو كان غادي يوقعلي كون ماتقصحتش فنضرك, كون راني دابا كاناكل الشاورما فالريسطو أنوال
نوال:(شافت فيها بمعنى من نييتك) الله يهديك أسيرين
سدرة:(دخلات) مال الكبيدة مقلقة؟؟
سيرين: فنضرك اللي فحالتي شنو غايدير من غير يتقلق, ولا باغاني نشطح هنا ياك؟
سدرة: واصافي حتا نتي هادا مكتابك, ماعندك ماديري من غيل تحمديه سبحانه وتعالى, لعلها خير ليك
نوال: معامن كاتدوي حتا نتي أسدرة, الناس فحالتها كايحمدو الله وهي كاتفكرلي تاكل الشاورما
سدرة: ههههه حلفي
نوال:(تنهدات) لا حول ولا قوة الا بالله, وصافي
سدرة: خاطر حبيبتي هو اللي غايكون, أنا بنفسي غانوجدهاليك كوني هانيا...
سيرين: شنو غاتوجديلي المسمن ولا طاجين ديال لالة صفية؟؟
سدرة:(قلبات عينيها) اممم ياختي على السخرية ديالك, مافيك صواب وكان
سيرين: غيل ضحكت معاك, أختي أنا مابقيت باغا والو بغيت غيل ننعس نرتاح ونخرج من هاد القنت عييت من الصبيطارات
نوال: دابا تخرجي غيل زيدي صبري واحد شوي راني خليت اللي فالحسابات كاتجمع ليا حساب الدوا والكلينيك علاشما ترتاحي
سيرين: ايلا غيل على الراحة بلا ماتجبديهاليا حيت أنا تابعاني شي لعنة كل شهر خاصني ندخل ونخرج من السبيطار
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
