جنة: اممم حيت أنا بعقلي
زيد: كاتقصدي بعقلك غيل فالتصاور ياك؟
جنة: امم ممكن, حيت كانشبهلك أخالو العزيز(ضربات بشعرها مخلياهم كايضحكو عليها)
زيد: والايني خاصك العصا ياديك الفصعونة الكبيرة
جنة: (ضحكات ليه) فخبارك كاتشبه لواحد عمتي فاش ماكاترضاش, والله إيلا تليقلك(دارت بيديها حركة معبرة) زيد العلوي وسيرين التوزاني, واااو (صفقات بعفوية وتبعوها البنات فرحانات من نييتهم)
نائل: جنة حشومة, خالك هادا(خنزر فيها)
داوود: خليه يستاهل هو نيت من قبيل كالس عليها الفصعونة الفصعونة الكبيرة, هاهي عطاتو علاش يقلب(ضحك باستهزاء على زيد اللي مارضاش)
جنة: ياك أعمي داوود, مين تبغيوني عييطولي باش تتهناو هاد اليوماين واخا عمو زياد فالكفاية لكن نعاونوه مافيها باس
سدرة: الله أودي أبنتي أجي نيت لعندنا بقاي حدا راسو يقول حاجة ورضيهاليه بالضوبل على الله يدير شوي العقل
رغد: تحاماو عليك ماعندي مانديرليك(هزات يديها مستسلمة بعدما غمزها تدوي عليه)
زيد: اييه,(ضار عند نائل اللي كايضحك عليه) شفتي أودي الأخ, حتا مراتك اللي عولنا عليها ماصدقاتش
شمس: خالو(دارت يديها على خصرها ونطقات بصوتها الطفولي) مال خالتو كيكة باش ماتصدقش
جنة:(غمزاتها) عطييه الله يرضي عليك وعليا ياربي
زيد:(عنقها بالعاني يرد غدايدو فيها بالقجان) والايني شيطانة نتي, هادشي اللي علمتيهم وأنا كنقول شمس من قبيل تقلب عليها ساع ليا
جنة:(ضرباتو لصدرو الفولاذي باش يطلقها) الله يمسخك أزين خنقتيني, شوف شوف الصبور ومادار فيك والو
زيد:(وراليها عضلاتو) أجيني فالمعقول ماشي غيل الهضرة أبنتي
جنة: والله إيلا خاصني ندووز معاك شي ماتش ديال الكرة نشوفو شكون الواعر فينا
زيد: حتا نتي ماتش كرة وكان, كاندويلك على الكومبا (غمزها) شنو بانليك؟
جنة: الله أودي جيتيني تالعزيز وطلبتيها صغيرة, مرحبا أولد عمي(قالتها باللهجة المراكشية فرشخاتهم بالضحك)
زيد: وامغربية حرة, ماعندي مانتسالك
سدرة: يالله نخليوكم هاد الساعة,(ناضت وناضو معاها زيد وداوود والبنات) تهلاي فراسك ختي رغد وسلمي على البنات مين تدوي معاهم
زيد:(تعانق مع نائل وجنة) يالله تهلاو العشران تانتقاشعو مرة خرا
نائل: تهلا فراسك(تعانق مع داوود عناق رجولي) حياكم الله
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
