السعادة قسمة ونصيب❤️🥺

🥺❤️50

نوال:(مالقات كي دير من غير تدوي وصافي) احم هو كان أستاذ فالكلية وسمعتو خايبة, منين عرفت تجنبتو حتا فالإجتماعات اللي هو فيهم, واحد النهار كان طلبني ندويو وأنا على بالي شي حاجة فاش نعاونو, صدق باغي يتزوج وحيت عرف بيلا راني مطلقة قال نلعب على هادي, ولكن أنا رفضت, حيت غيل من تصرفاتو وهضرتو الباسلة كانت باينة نييتو

سدرة: وهو ماتقبلش وبقا حالفها فيها لدرجة مين كايتلاقا بينا حنا ولا يعاير ويسب ولكن ماعندنا مانديرو للحيوانات البشرية بحالو, الله يلاقيه بماعر منو, باش يعرف الشر ومايجي منو

لالة تويا: الحمدلله أبنتي نتي زينة والغالي يبغيك, تبارك الله ماشاء الله الله يحفضك من العين ياربي ويخليليك نييتك حتا تلقاي اللي يواتيك

نوال:(بإحراج) آمين الحاجة, ربي يخليك لينا

الحاجة رقية: لهلا يفرحو ولد الحرام, رزانا فيك...

سيرين:(مييقات فيها) الحاجة, الله يهديك راني غاحداك شامن رزاك فيا؟؟

الحاجة سماح: إيوا ابنتي لهلا يزيد, الحمدلله اللي كان زيد معاكم أما ماعرفت شنو غيدير من التهراس للقتل الله يحفضك

ياسر/عدنان: إيلا كان راجل ويعاود يدور بساحة شي وحدة فالعائلة...

زياد:(شاف فيهم بحدة) لالا نتوما هوما الرجال تبارك الله عليكم, ضاربين البوليس بكل جرأة ولا درة خوف جاتكم على راسكم..

ياسر: يستاهلو على الشي اللي داروه

عدنان: مادرنا تاحاجة من غير واجبنا 

زياد:(حرك راسو بقلة حيلة وهو يتنهد) حسابي معاكم من بعد ماشي وقتو هادا 

نرجس:(رجعات من البيت) حبيبة نوال, سديم مابغاتش تجي عندي وراها كاتبكي من قبيل ماعرفتش مالها

نوال:(ناضت تحت أنضار زياد) سموحلي أنا نشوفها ونرجع

نرجس:(كلسات حدا سيرين) اووه فخباركم سيرين زوينة وضرييفة وكاتعرف بزاف ديال الحوايج

سيرين: طبعا حيت أنا عمارة الدار وموهوبة, واللي جبدني يلقاني

نرجس:(شداتها بعفوية وهي فرحانة بيها) وزيد عليها ضحوكية بزااف, صراحة محسن دوا لينا عليها واخا شحال ماشافها ولكن بقا عاقل عليك

سيرين:(بالغدايد) ممكن تبعدي على يدي راك ضريتيني فيها(شداتها بحرقة وحر الوجع طالع ليها مع مخها)...

نرجس: اا سمحيلي مايسحابنيش كاتوجعك والله

ساجد: راها مقصحة فيها

نرجس: اووه, قوليلي بحال زياد,(بدات تاني فهضرتها ليهم وتقول واش بغات تسكت مع لقات الجماعة وهي تنغامس ديال بالصح, عاوداتليهم على كيفاش دوزو ديك الليلة فالتخطيط وإعطاء الأوامر وتشكيل الفرق اللي غايدخلو واللي غايبقاو على برا للحماية، وشكون كان وشكون جا وشكون مشا واللي شدو واللي هرب ليهم بقات شي من الشرق شي من الغرب ومع صوتها المحلون والحماس اللي كيكون فيها صافي كملات البنات جنة وجمانة وسيرين مع سمار بقاو غيل كايبلققو فيها، مهم كملو جماعتهم حتا وصلات العشا عاد للي ناضو يصليو صلاتهم)