بعد مرور 6 سنوات
فالمطبخ الواسع والمجهز بأحدث الألات واجهزة الطبخ, صوت ضحكهم كايعلى بعد كل كلمة من نوال او فعل كاديرو بهدف تضحكهم وتخليهم مبتاسمين كيف ديما, نطقات البنوتة الصغيورة اللي فعمر 5سنوات وهي مبتاسمة لختها الصغيرة اللي كاتبكي بعدما حطاتها نوال فبلاصتها
ثناء:(موجهة كلامها لأمها) بلا ماتشطني أمامي غيل كملي أنا معاها
نوال:(بابتسامة) واخا أبنتي
آدم: ماما, فوقاش غانتغداو فيا الجوع...
نوال:(جابليها الضحكة) ههه ولدي صبر غيل شوي وهاهو باباك غايجي(رجعات للكوزينة كاتقاد الغدا, حتا حسات بعناقو وريحتو سابقاه, ضارت مبتاسمة ليه وهي فرحانة برجوعو للدار بعد مناوبة ليلية قضاها فالمركز)
زياد: الغزالة ديالى, صافا؟
نوال: حمدلله , كي دازت الخدمة مزيان بعدا؟
زياد:(خطف قبلة سريعة ومفاجئة ليها وهو ضاحك وفرحان بيها) بشوفتك كانولي سلمات أمدامتي
نوال:(ضحكات بحشمة من شنو دارليها) زياد, حشومة هادراري غايشوفونا
زياد:(بعدم اهتمام) خليهم يشوفو, على الاقل داك ولدك يفهم راسو ويبعد شوي منك
آدم:(داير يد على يد وتخنزيرتو فيهم حادة, نطق بصوتو الصغير والنبرة الغاضبة باينة عليه) ماغاديش نبعد من حبيبتي غابلا ماتحلم
ثناء:(مشات باغا تسكت خوها حتا لقاتو مهزوز فالسما,قربات عند باباها حابسة الضحكة وفنفس الوقت خايفة على آدم الباسل واخا فيه ردان الهضرة وباينة غادي يقمعها هي نيت) سمحليه أبابا مايعاودش
آدم:(بنبرة متكبرة) دخلي سوق راسك ماقلتلكش حامي عليا
زياد:(شاف فنوال وهو محرك راسو بلا حول ولا قوة إلا بالله) شفتي ولدك شفتي وادوي دابا..
نوال:(حلات عينيها فيه بصدمة) آدم؟؟,(قربات ليه بنبرة تحذير ونضرات حادة) إلا ختك الكبيرة حشومة شنو قلتلك على هاد الضهرة
آدم:(بتغبان) ولكن تاهي ماتدخلش فيا
نوال:(بنضرة صارمة) آدم ولدي راه حشومة واش باغيني نتقلق منك ولا شنو؟
آدم:(قلب وجهو كيشوف فثناء باكية وزياد مخنزر فيه بحدة حتا نطق) صافي سمحيلي أماما مانعاودش
أنت تقرأ
السعادة قسمة ونصيب❤️🥺
Romanceالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
