السعادة قسمة ونصيب❤️🥺

🥺❤️27

الحاجة والحاج والباقي اللي كانو مجمعين مع بعضهم وأصوات ضحكاتهم واصلة لفين وفين, في حين نوال وزياد اللي كانو كالسين مع بعض 

نوال:(بهدوء) زياد؟؟ واش راك بيخير؟؟(ماجاوبهاش وهي تحركو)

زياد: شنو؟؟(مخنزر)

نوال: زياد صافا؟؟ شنو واقع؟

زياد:(ناض من حداها وهو مخنزر بحال ايلا ماعرفت شنو واقع) ماماليش

خلاها غيل مدهشرة وماعارفاش مالو لكن بقا فيها الحال بزاف, تقلقات وناضت تاهي غادة للطواليط, عندو هو اللي كان يالله طالع يرتاح فبيتو حتا شداتو جمانة من يديه

جمانة:(بحشمة) خالي بغيت نطلب منك السماحة على داكشي اللي وقع الصباح والله ماقصدت

زياد: دويت معاكم شحال من مرة قصدي ولا ماتقصديش, عارفاني ماكانحملش شي حاجة سمييتها ماكياج ولا ماعرفت سمييتو

جمانة: واصفي أخالي كانواعدك عمري نعاود نقرب ليه فحياتى, والله عافاك غيل سمحلي

زياد:(شاف فيها كيفاش كاطلبو باش يسمح ليها) سيري تالمن بعد وندويو

جمانة:(شداتو مرة تانية وهي تشير لضفرانها) واهانتا شوف راني صافي مابقيتش دايراه كاع, غيل سمحلي هاد المرة أخالي وايلا عاودتها ماتدويش معاي

زياد:(صغر فيها عينيه وتصرفها جابليه الضحك) صافي الله يسامح ولكن مرة خرا ماتعاوديش ديري داك الوسخ راه غيل غادي تمرضي

جمانة:(عنقاتو بالجهد وهي تبوسو بكل هداوة على خدو) شكرا شكرا كانواعدك أشاف

زياد:(حبس الضحكة) واسيري قبل مانوريك الشاف شنو كيدير..

جمانة:(رفعات يديها باستسلام بمعنى لالا صافي) أمرك سيادة العقيد

زياد:(كمل خطواتو فالدروج وهو فرحان حيت فهمات غلطها وماغاديش تعاود تقرب لداكشي) حمقة هه...

          🥺💔بالمناسبة زياد ماكايبغيش الميكاب حيت ماماه ماتت بسرطان الدم على إثرمنتجات العناية بالبشرة والأضافراللي كانو من سبب الإصابة ديالها بالمرض, والتحاليل بيينات بأن هنالك نسبة كبيرة من المواد الضارة والسامة اللي أثرت فعلا على تدهور صحتها وجهازها المناعي والعصبي و هي نفسها المواد المكونة لطلاء الأضافر(واللي بغا يعرف كثر راه كلشي كاين فالإنترنيت حاليا على أضرار اللي تقدر ديرهم الصباغة ديال الضفار"طلاء الأظافر" واللي يقدرو يكونو من العوامل المرضية المؤثرة على صحة الناس), وبما أنه عانى بزاف من بعد موت الأم ديالو سديم العريفي قرر يبعد على أي واحد قريب ليه وكايعنيه هاد المنتوجات والحمدلله نجح واخا باقي سكينة والبنات كايبغيو يديرو داكشي لكن بنسبة قليلة فقط وغيل فالمناسبات..