بعد ساعات طويلة من دخول الدكاترة بزياد لغرفة العمليات, بقا يمانبرا فالكولوار بانتضار خبر من الأطباء اللي طلعوليه الدم بتعطالهم, ڭالس على أعصابو فين ما دوا معاه شي حد من المجلة وسولو على زياد كايدور فيه بحال العاصفة, عينيه حومر بالأعصاب من هادشي اللي وقع ويديه ورجليه كايڤيبريو بالتوتر اللي مسيطر عليه, عيا من الإنتضار ولحد الساعة شرب 5 ديال الكيسان ديال القهوة على أمل أنه يتهدن لكن غيل ماكايزيد يتعصب ومن الأحسن تاحد مايدور بيه, دازت تقريبا كثر من 4سوايع والقضية بدات كاتحماض رئيس العسكرية ونائب المركز الإستخباراتي اللي عاون زياد بقاو على اتصال فور ماعرفو بالخبرمن طرف نرجس اللي كانت سبقات أعضاء المجموعات للسبيطار, دور دور وتمشي عند يمان اللي مرضاتو بهضرتها المحلونة عيا مايصبر ولكن آخرتها هي ينوض يفرشخها, غووت حتا تزعزعات من بلاصتها وهي كاتشوف عروق يديه كيف دايرين بقا فيها الحال وشدات دموعها حيت عارفاه غيل معصب ومريض بالأعصاب خاصو مايزيدش يتوتر كثر من هاكدا وزيد عليها كاع ديك القهوة اللي شرب راه بزاف تحمدالله اللي مادارش فيها شي موصيبة أما كون جرجرها ولا فرشخها ولا ماعرفت شنو وقع, ناض ساجد بكل هدوء وهو يكلسها حداه مخنزر فيها
ساجد: كلسي هنا وهنينا أنرجس ماشي وقت هضرتك دابا...
نرجس:(شادة البكية بزز) أنا ماقصدتش نعصبو والله, غيل...
ساجد: (حبسها بعينيه) غيل سكتي, حمدي الله اللي تاقى فيك ربي أما كون راك الداخل مع الشاف...
يمان:(مع الدورة اللي دار حتا شاف الباب كايتحل, نطالق باتجاه الطبيب اللي خرج وعينيه ماكايبشروش بالخير) زياد؟؟
محمود(الدكتور):(من المعارف ديال الدراري خاصة يمان كونو مريض الأعصاب وصحفي) تهدن,(جرهم بزوج لواحد القنت بعيد على الناس لاخرين وهو ينطق بصوت مبحوح وعيان) الحمدلله كلشي مزيان حاليا, واخا العملية كانت خطيرة وصعيبة كثر من المتوقع طبعا حيت الرصاصات اثرو بشكل كبير على الجهاز العصبي ديال زياد لتموقعهم بين الضلوع ديال الكتاف والعروق العصبية إلا أننا قدرنا نسييطرو على الوضع, واخا الأغلبية ديال الدكاترة اللي كانو معاي الداخل فقدو الأمل وكنت بدوري غادي نفقد الأمل فاسترجاع زياد لحركة يديه بشكل طبيعي لولا رئيسة الممرضين اللي عطاتنا تحليل شامل بموهبتها تبارك الله, المهم غايبقا ساعة خرا فالإنعاش علاشما خرجو التحاليل وطمءنا على صحتو يعني غيل سيرو ترتاحو حاليا...
يمان: فوقاش غايفيق دابا وفوقاش يقدر خرج من الإنعاش؟؟
محمود(الدكتور): كيف قلتلك أيمان زياد لازم عليه يبقا ساعة وحدة خرا على الأكثر بينما طمننا على صحتووسلامة ڭاع الوضائف العضوية والجسدية ديالو, بلا ماتشوش كثر
ساجد: شكرا دكتور,(جر يمان بعدما طمنو على زياد من خلال هضرة الطبيب اللي بعتات فيهم شوي ديال الراحة والطمأنينة) يالله ترتاح شوي, الصباح ونرجع راك عيان أيمان
أنت تقرأ
السعادة قسمة ونصيب❤️🥺
Storie d'amoreالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
