نوال:(شافت فيه كيفاش مغوبش وماعاجبو حال وهي تتنهد) واخا واخا, ولكن غاتتغداو معاي
بدر: أوووه, هي جبتي لينا شي شهيوة من شهيواتك الزوينين تاني
نوال: كون هاني(شافت فزياد) غاتتغدا معانا ياك؟؟
بدر: أكيد, أصلا هو اللي جابني هنا
نوال: اممم عرفت بيلا وصلاتك, ماوقع والو كون هاني
بدر: أصلا أنا عارفك مولات العقل, ماعليش دابا دير تاهي عقلها وتمشي تتزوج وتماك بكي عليها
نوال:(كانت كاتسمع فيه باهتمام حتا قاليها ديك تتزوج وتبكي عليها وهي تشوف فيه حابسة الضحك) من نييتك؟
زياد:لا حول ولا قوة إلا بالله, زيد زيد نتهنا من واحد ويجي لاخر
بدر: هاني زايد وابلا دفيع..(خرجو بتلاتاهم من المكتب متوجهين للكافي الخاصة بالشركة, في حين هي اللي مشات تسخن داكشي اللي كانت جايبة والبنات ضايرين بيها, من أول مرة جات للشركة كانت محمقاهم وحبو شكلها فاللباس وفالخدمة, ودابا كايستاغلو الفرصة باش يكونو معاها فأي خطوة كاديرها وتاهي ماباخلاش عليهم أي حاجة سولوها عليها كايلقاو جوابها)
زياد: بغيت نسولك على راجل نوال, بغيت نقول طليقها واش عارف شنو السبب اللي خلاها تطلق منو؟؟
بدر:(تصمك) ماعارف والو..
زياد: أنا غيل سولتك ماتقلقش مني(سكت كايقلب فتيليفونو)
بدر: علاش كاتسول نتا؟ شنو كاين؟؟
زياد: بغيت غيل نعرف على الله نعرفو شي حاجة تعاوننا فالقضية
بدر:(تصدم) احم طلاقهم كان قبل من هاد العام, نوال من شحال هادي وهي حاسا بيلا تبدل عليها, وواخا كدوبو كانو باينين بقات صابرة عليه على قبل سيرين اللي محرا بدات قرايتها تما, الحاجة كانت مزييراها وخافت لاتمشي تعرف ويصدقو المشاكيل تاني(للحضة سكت وهو يتنهد مرجع راسو لور) فديك الليلة, كانت عيانة بزاف, أنا كنت مشغول بزاف ومالاقليش نزيد معاهم شي نهار هاكا علاش خديت أول طيارة وخليتها مع سيرين, ولكن ماوصلت لخدمتي حتا صوناتلي سيرين وقالتلي بيلا راها فالكلينيك ماعرفت ماندير وفشلت بمرة, خديت أول طيارة فنص الطريق ومشيت راجع عندهم حتا كانتصدمو مين عرفناها مريضة بمتلازمة القلب المنكسر وخاصها تتعالج الصدمة كانت قوية بزاف وزادت قوات مين وقع ليها إجهاض فنفس الليلة
زياد: (تصدم) كيفاش إجهاض؟؟ واش نوال كانت حاملة؟؟
بدر: كانت, كانت حاملة بشهرين ولكن ماكتابش بقا فيها الحال بزاف حيت ماكانتش عارفة وحيت ماعرفات تافات الفوت, ڭلست معاها تاقدرات توقف على رجليها, ومن تما عييطولي حيت الخدمة تزييرات بالصح, ماخلاتنيش ناخدها وقالتلي بيلا غاتكون مزيانة, كنت كل ليلة كانطمن عليهم باش ماتحسش براسها وحيدة وماكنتش باغي نخليها حيت هي ضرييفة ونية, ولكن كنت تايق فسيرين حيت واخا صغيرة فالعمر عارفاه شنو كايسوا وتيقتي ماخابتش فيها حيت قدرات تبعدو عليها وطلباتني باش نجي وناخدهم كعطلة ولكن قبل مانوصل كان هو عرف بيلا سيرين كاتحاول تبعدو عليها وتقويها,هاكا علاش خلاها حتى خرجات تقرا ووهم نوال بيلا عندو شي خدمة, كان طوماس عارف علاقة خوه ونوال بيلا متوترة وهو فالحقيقة اللي عاون سيرين باش تبعدهم
أنت تقرأ
السعادة قسمة ونصيب❤️🥺
عاطفيةالشوق أضرم خافق الكلمِ ... فذوى فؤاد الشعر بالألمِ... البعد زاد الحزن في كبدي... و غيابكم أدى إلى عدمي... فَقلوبنا اشتدت مواجعها... و مراكب الأشواق كالحممِ... أو...
