#جاموفوبيا ((رهاب الزواج ))
((نهاية الجزء السادس عشر ))
(( بعنوان متاهات المواجهة ))
لايك 🤍✨
*****************
عند عيت الناجى
ناض متفاجئ بالقرار ااي صدر منها حالاً..وكأنه قنبلة وأنفجرت بينه وبين نفسه خذا لحظة إنكار لكن مالقى نفسه بعد ادرك بفزع .
الناجي : لا والف لا .
تلفتت اسماء على بنتها...نهله عيونها دمعو وطول غيرت نظرها لـ أشرف بلع ريقه وتلفت على بوه وبخوف بينما اشرف كان مصدوم برد الفعل
: باتي شن تقول
ناضت اسماء سحبت بنتها..ماتبيها تسمع اي كلمة جارحة ومشو من ناحيه المطبخ نهله مصدومة من حدة اسلوب زوج عمتها شافت لـ امها
نهله عيونها مدمعات : هذا كنه..عليش يحكي هكِ؟!
أمها بلعت ريقها غير شن بتقول متقدرش تفتح فمها لأنها بلا شك ح تاخذ من ناجى دروس على كل الي صار قبل ! قعدت نهله على الكرسي تبكي لا اراديا..تخاف اشرف يطاوع بوه ويفوتها .
امها نظرتلها بعين الشفقة..تبكي طبست عليها ومسحت على كتفها..محاول بث الطمأنينة لها قائِله : ما تخافي بكل وحياة بنيتي...لا عمتك لا وليدها يرخو بيك
برا النقاش حاد وكل ماله يزيد حده بين الاطراف الاربعةالناجي رفع اصبعه بتهديد : شن الكلام الي نسمع فيه هذا
باكره بضيق : يعني مش من حقي نزوج ولدي البنت الي نبيها ويبيها.
بغيض اشر على حمد : الا هذا..الا بنته..شنو ماعندي من ناسب غيره!
حمد بغضب : ولا أنا نبي ناسبك غير حاط في أعتباري الدم واللحم الي بينا!
تحرك من قدامها...قدام عيون الجميع وقف وقال : كويس بكل..
كمل كلامه: هذا وين عرفت الدم واللحم الي بينا...انت شنو يا اخي ماتفهمش انا فاتحلك حوشي لك ولعيلتك ع خاطر بس انهم عيال الخال الوحيد لاولادي...لكن تناسبني هذي ماتفرح بيها لا أنت ولا بنتك!
اشرف مصدوم قرب من بوه
حمد وخر عنه وهز راسه مستهز بالناجي : فاتحلي حوشك؟!
كمل بثبات : لا لا هذا حوش اختي وعيالها...تستقبل فيه من تبى وتطر منه من تبي...مش كان استقبلاتك انت وزوجتك وضيفك
تلفت على الجنب..ضحك بسخرية من..دور عيونه على أولاده الواقفين ويتفرجو في صمت : توه هذا حوش من يا عويله ؟!
حسين قرب من بوه وقال مبتسم بالغصب : يا بوي الكلام هذا ما يجيش هنا...في ناس معانا مش وحدنا !
تلاشت إبتسامتة وغير نظره لـ أشرف : حوش امك ولا حوشي يا اشرف...
بلع ريقه ونزل راسه : حوشك يا بوي
