#جاموفوبيا((رهاب الزواج ))
-(( الجزء التاسع والثلاثون ))
-((بعنوان "حافة الأنهيار،والأخير "))
-كتابة:أم أمـن🌸،
********************
عند عيت الناجي
4:30 م
طلع أشرف من الدار رافع الفراش والغطا بيديه مشى للمربوعه وطرح فراشة
وقف وسلح القولف متاعه والسورية على خشت هناء..تلفتت وأعطاته بظهرها: تعالى تغدى
أشرف تلفت عليها: هيا شوية وجاي
طلعت هناء تمتم: حتى هو مايسكرش الباب وراءه أووف يارب عليك إنسان قليل ذوق..وفوقها شافلي بأزدراء!
أشرف خذا التيشرت المعلق على باب الدار ولبسه: وبعدها تدير روحها برستيج وهيا مندعبة وخلاص ياوالله عليك وقت.
طلع من المربوعة وطبق بابها: وشنو الي يقهر أنها شخصية متغطرسة..جو الكبرياء والعنفوان الي تدير فيه على وجهي!
غسل يديه ومشى للمطبخ
سحب الكرسي وقعد عليه: وين العيال
هناء واقفة تسقي في المعكرونة: تغدوا عند عيت عمي
أشرف أنسند على الكرسي يفكر..رفعت هناء الصحن وحطاته قدامه لقط الكاشيك وبدأ ياكل
سحبت كرسيها وقعدت مقابله وبدت تقلب في الطعام تقليب كان خاطرها تسأل على طارق وشن دار
شافلها ولاحظ أنها تفكر في شيء سألها وهو يأكل بهدوء
أشرف: شن في عليش ماتاكلي؟
هناء رفعت رأسها وشافتله نزلت الكاشيك من يدها:طارق خويا بعد البارح ماعاد سمعت عليه شيء ولا شفته.
أشرف سكت شوية: اليوم بيرجع للحوش معاه عمك وولد عمك
هناء بفرحة: جديات
أشرف رفع عيونه فيها بعدين نزلهم: جديات
كملوا غداءهم وهو مشى للمربوعة تسطح فيها وهناء بدت تضم في الحوسة..ظلمت الشقة وبخرتها بعدين مشت للدولاب طلعت منه تيليفونها كانت بتضرب رقم أمها تطمن على خوها
هناء بس وقت تذكرت أن أمي ما سألت عليا ولا دورتني في شيء قالي تراجعي عن هالمكالمة بالك أمك بتتصل بيك وتدورك
طلعت من المطبخ نحوس مش جايني نوم..مشيت جهة الدار لقيت العيال قاعدين في دارهم على الأيباد..وقفت على باب الغرفة: حيان سلافه هاتوهم
حيان شاف لأمه:بس مازال نلعب
خشت عليهم وخذتهم منهم: عيونك يوجعوكم وهيا توه وقت القيلولة
زفرت سلافه:نمشوا لجديدة ؟
هناء شافتلها: دوشي قبل
خذتهم هناء ودوشتلهم حيان رقد في الدار مع نغنوشة وكان يشد في يديها ونغنوشة تماوي وتستغيث..خذت هناء نغنوشة منه وأجبراته يرقد
