#جاموفوبيا(( رهاب الزواج ))
-(( الجزء الأربعون ))
-((بعنوان" إنهيار" ))
كتابة؛ أم إمـن 🌸،
*******************
عند عيت قيس
رغد تحني فيها رشيدة ويهدرزن سمعن صوت الباب يخبط بقوة قريب يطير
ناضت رشيدة فتحت فنص فيها قيس:اطلعي بره
رشيدة: بس يا أستاذ
قيس قص عليها: قلت لابره ولا متفهميش انت
رشيدة رجعت للصالة لما حاجتها ومشت خش على رغد
كانت تساوي في اللصقة: غريبة جيت بدري،وينها رشيدة ؟
قيس: مفيش رشيدة لا عمك شن قايلة لمرأة أشرف😤
رغد بضيق: السراقة معاش نبي منها حاجة تجي تأخذ الفستان الي وسخاته وتعطيني حقاته 😒
قيس خبط الطاولة برجله: حقااات شنو والي خلص حق الفستان متاعك أشرف !!
رغد أنصدمت:شنووو!
قيس بجده: زي ماسمعتي ياهانم لما أتصلتي بيا كنت في المكتب عندي عمل ومانقدرش نعطل مصالحي عشان أطلالاتك بعثته لحوش أهلي وطلبت من أشرف يخليه عندهم في الشقة..العيال شافوه ومن فضولهم فتحو الكرتونة لما شافاته مراته غلفاته من جديد حلفت أنها لا لبساته ولاشيء بعدين جيت بناخذه ونخلص أشرف حلف عليا ماندفع فيه قرش مع إني رفضت لكن سكر رأسه وقال ياراجل مافيهاش جميل أنت خوي
كانت ساكتة تسمع ومصدومة شافلها ونفخ بعصبية
قيس:وإنت شن درتي مشيتي تهجمتي عليها في قروب العيلة..وحشمتيني معاه الله الله لايسامحك
وتلفت طلع برا الدار رغد ناضت بسرعة وطلعت وراءه..الحنة في يديها وترجف من عملتها السودة وحشمتها مع أشرف: قيس قيس
قيس تلفت عليها بعصبية: شن تبي في أمي😤
رغد قربت منه: أسفة..أنا طلعت فاهمة غلط
قيس بتهكم: وفي شنو يفيد أسفك هذا
رغد نزلت رأسها
قيس شافلها وبحدة: نوضي البسي حاجة تمشي معايا توه للمراة تستسمحي منها
رفعت رأسها مصدومة: نستسمح منها!
قيس برفعة حاجب يشوفلها: مالا مني أكيده من المرأة الي غلطتي في حقها..وفضحتي بدين أمها في قروبات العيلة
رغد تضايقت وأعطاته بالظهر شبكت يديها وقدمت كم خطوة وهي مرتبكة وغاضبة
رغد: وعليش إن شاء الله..مش لولا إهمالها وتسيبها وقلة ربايتها للعيال ما كان الشيء هذا كله صار!
توسعت عيونه بصدمة وقرب شدها من ذراعها بقوة لعند تأوهت من الألم: شنو شنو عاوديها
رغد تلفت عليه وعيونها مدمعة: أنا مش غلطانة..طلعت فاهمة الموضوع خطأ
