#جاموفوبيا(( رهاب الزواج ))
-(( الجزء السادس والثلاثون/إضافية ))
-((بعنوان "حافة الأنهيار" ))
كتابة؛ أم أمـن🌸،
لانسيتيهم
ﻳﺎﻋﻴﻦ ﻻﻗﺴﻤﻮﺍ ﻭﻻ ﻧﺴﻴﺘﻴﻬﻢ
ﺍﺻﺤﺎﺏ ﺍﻟﻐﻼ ﻳﺎﻃﻮﻝ ﺷﻮﻗﻚ بيهم
ﻣﺎﻫﻨّﻮﻧﻲ
ﺍﺻﺤﺎﺏ ﺍﻟﻐﻼ ﻻ ﺧﺎﻟﻔﻮﺍ ﻻ ﺟﻮﻧﻲ
ﻭلاﻤﺘﻰ ﻭﺭﺍﻫﻢ ﺳﺎﻣﺮﺍﺕ ﻋﻴﻮﻧﻲ
ﻭﻻ ﻳﻮﻡ ﻧﺼﺒﺮ ﻻ ﺍﻧﻐﻴﺐ ﻋﻠﻴﻬﻢ
-( للراحل محمد حسن )
**********************
أذان الظهر
ناض طارق وخش للحمام يتوضى للصلاة خش وراه ناصف وطبق الباب
تلفت بيطلع لقا ناصف قدامه
تجاهله وجا بيطلع شده من يده تلفت عليه رافع حاجبه: شن مشكلتك أنا بالضبط
طلع السكينة..وعيونه تتفحص في وجه طارق..ويتخيل أن مروه فضلاته عليه..طارق مافهم كنه فك يده ولف بيطلع حس بشيء أنغرس في جنبه.
ناصف محاوط رقبة طارق بذراعه ومسكر له فمه..طارق كاتن يقاوم فيه لكن في النهاية طاح على الأرض كجثة هامدة
ناصف شافله ومسح بيده المليانه دم أنفة وهو يشوف لا طارق لوقت وبعدين رجع غسل يديه والسكينة وطلع بره الحمام طبق الباب وراءه
الحمام كان في نهاية ممر طويل بعد تطلع من الممر هذا تجي صالة كبيرة يتغدوا فيها المساجين..وممر جديد يودي للغرف جوه
طارق حرك يده يحاول يرفعها على الأرض تحسس مكان الطعنة كان مؤلم رفع يده وشافلها كانت مليانة د**م طاحت يده وخبطت في الأرضية بقوة بعد فقد وعيه
ناصف كان قاعد مع مجموعة شباب يتغدو ناض واحد منهم ومشى للحمام بعدين طلع يعيط
الشاب: في حد ينزف
التمت الدنيا ونزلت الشرطة عليهم..ورفعوا طارق للمستشفى
عثمان بعد سمع بالقصة مشى لمكتبه ودار مكالمة..قال الي صار فيها بالتفصيل المُمل
عثمان: يعني أنت الي مخطط للموضوع!
حاتم طلع دخانه من جيبه: أيوه بس بالله عطيني رأيك
عثمان بأعجاب: والله ما خطر عليا بكل أنك وراءها..لكن في شيء محيرني!
حاتم ولعه وبدأ يدخن: شنو الي محيرك؟
عثمان: مش ناصف صاحبك..عليش خليته يتورط ويضرب الشاب وأنت تقدر تكلف حد أخر يديرها؟
حاتم نفخ الدخان: ياسيدي بنضرب عصفورين بحجر،،،ناصف من فترة لعب بذيله وحاليا معاش يلزمني فلما ناصف يتهجم عليه ح تتمدد فترة عقوبته وفي نفس الوقت ننهي موضوع الشاب هذا بكل
