#جاموفوبيا (( رهاب الزواج))
- (( تابع الجزء التاسع عشر "2"))
-بعنوان (( المنهكة ارواحهم ))
من رضي فله الرضى تقبلو أقدار الله فالله يعلم وأنتم لاتعلمون🌱🤍
عن النبي -صلى الله عليه وسلم- أنه قال: "إن عِظَمَ الجزاءِ مع عِظَمِ البلاءِ، وإن الله -تعالى- إذا أحب قوما ابتلاهم، فمن رَضِيَ فله الرِضا، ومن سَخِطَ فله السُّخْطُ".
-لأيك قبل...وما تحرمنّي من رايكن ونقدكن البنّاء 🤍
🌸🌸🌸🌸
عند ثنائي الشغب
من وقت فات...كانت واقفة منزله رأسها وجنبها بنت عمها تناقش في الأبله
سليمه : هذا شنو يا فريده هذا شنو يا رؤى
فريده : أأا نحن كنا 😖
جابر واقف يشوف وساكت بينما أنس يعارك : كنتن شنو...كنتن تلبزن في السيارة وترسمن عليها في رسمات أنثويّة 😤
رؤى شافتله بحقد : تعرفي يا أبله هذا المرة الي فاتت تعرضلي ومرة ثانية طلق علينا كلبه وقبل عضت فريده لولا واحد انقذها
أنس رافع حاجبه : وشن دخل الي تقولي فيه في الي صار اليوم
رؤى بحده : الي صار اليوم رد أعتبار عن الايام الي فاتن ومازال الخير جاي وتوه تشوف
أنس جى بيهجم عليها : يا ***
جابر شده وفنص فيه همس في وذنه : نحن في مدرسه مش شارع رد بالك
أنس بغضب: خليهن هلهن معرفوش يربوهن طلقوهن نعرف الي عنده مكلوب يكتفه مش يعزقه علينا 😤
سليمه شافتله : انا ما نقدر ندير شيء ح نتصل بأولياء أمورهن والموضوع إن شاء الله ح ينحل
فريده تلفتت على رؤى والأثنين خافن
تكلمت رؤى : يا أبله بس هذا وشلته ديما قدام المدرسة ويقللو في أدبهم علينا للعلم ما عندهم حد يقرأ هنا ولا هما يقروا عليش يجو
أنس بحده : ملك بوك المدرسة والشارع !
رؤى بغضب : مش ملك بوي ولا نقدر نفتح فمي
لكن لما تطول في وفي بنت عمي أستوب نربيك عليها
أنس رفع حاجبه وقال مهتكم : وإنتِ غير من جى شورك والا كلمك ما فيك مايطرّب 😏
رؤى بغضب : حقير الباين ماشعفت من ضربة ولد عمي وجلدك مازال ياكل فيك
كيف بيتكلم دفه جابر برا وهو يقول للأبله : نحن برا لعند مايجو أوليّاء أمورهن
أنس معصب : عليش طلعتني كنت تخليني نشعفها عليها
جابر بحده : غير شن بتدير بتقعد قني قنك مع فرخة زيها خلي يجو هلها وتفاهم معاهم
