#جاموفوبيا (( رهاب الزواج ))
-(( الجزء التاسع والعشرون ))
-(( بعنوان السجن الدافي ))
كتابة: أم أمـن 🌸،
عن أنس بن مالك رضى الله عنه :
أن رسول الله ﷺ
*مر بشجرة يابسة الورق ؛فضربها بعصاه ، فتناثر الورق،*
فقال رسول الله ﷺ :
*إن الحمدلله ، وسبحان الله ، ولا إله إلا الله ، والله أكبر*
*لتُساقِط من ذنوب العبد كما تساقط ورق هذه الشجرة .*
صحيح الجامع ،
(١٦٠١)
********************
في الشقة
أشرف برفعة حاجب: قولي!
غمضت عيونها وشبكت يديها: مش عارفه ح توافق و لا
حط يده على صدره يشوفلها: الي تبيه كله حاضر.
فتحت عيونها ونفخت بتوتر : الحق أنا عندي قرايتي موقفه من قبل وفاة المرحوم وفات عليا قريب عام.
حرك عيونه على وجها: تبي تجددي القيد؟!
هناء بصوت خافت : ايوه
أشرف هز راسه: باهي كمليها مفيش مشكله لكن انت عارفه شغلي اسبوعين في الكتيبة وواحد هنا
هناء تسمع بإستغراب: يعني الاسبوعين نتغيب فيهم ولاكيف!
أشرف حرك راسه بنفي: لا احضري عادي توه نسقلك مع ناصر هو ماشي ماشي يوصل نورا يحطك في طريقهم
هناء: تمام...معنديش مشكلة.
مربع يديه لصدره: هذا بس شرطك؟
هناء: الصراحة هو مش شرط هما شروط
سكت يسمع باقي كلامها: عندي عيالي..الليلة بس مش ح يكونو معايا لكن من بكره نبيهم معايا..انا ما نتحملش بدونهم.
هز راسه يسمع: حاضر...وشن أخرى.
هناء تعصر في يدها من التوتر: خويا سعد
بللت شفتها بلسانها متوتره: هو معنداش علم اني تزوج وياريت مايعرفش.
عقد حواجبه: عليش متبيش يعرف!
هناء تنهدت: لأن ميبيش نتزوج حد هالمرة غير من العيلة.
جى بباله موضوع اركان...رفع حاجبه: وانت موافقته الراي.
هناء بنفي: لا مستحيل...انا لولا حيان وسلافه مش ح نتزوج للمرة الثانية..في النهاية جربته نصيبي وراضية على الي قسمه ليا ربي.
هز راسه: نفهم منك ان خوك ماعنداش العلم..باهي مفيش حد من المنطقة يقوله!
هناء: سعد الله يهديه عنده مشاكل مع الناس ماعنداش الا صديقين واحد الله يرحمه والثاني مفقود من زمان..غير هذا منطقتنا صغيرة وكل حد لاهي بحاله..ويمكن هلي نبهو ماحد يقوله.
