#جاموفوبيا((رهاب الزواج ))
-الجزء الثامن عشر "2" ||
-بعنوان "أيام عُجاف " ||
كتابة : أُم أمِن
(( السلام عليكم أسفه على التأخير الجزء هذا توه تعدلكم عليه ونضيف باقي المشاهد..بوقتها نديرلكم تاق ثاني..اسفه جدا ))
*****************
عند قاسم
كانو واقفين قدامه..أنس وكريم..كل حد فيهم ساكت
وما حكى حرف..يدور في عيونه متنقل بين كريم الخائف وأنس ذو الملامح الباردة والمُستفزة..وكأنه يضغط على كل عصب في قاسم..هل السبب أنظاره المُسلطة على فريدة !!
أنس أعطى لرؤى الخائفة نظرة جانبية ورجع بعيونه على قاسم..أما قاسم فكانت وراءه فريده وتبان عادي لكن قرب من أنس بيش تتورى عن عيونه بشكل كامل
وعاود سأله : الكلبه هذي متاع من ؟!
أنس ببرود نفخ وحط يديه في جيوبه..نزل عيونه للأرض وضرب الحيطة الصغيرة قدامه : كان قتلك متاع صاحبي بتصدقني ؟!
قاسم رفع حاجبه : نفهم منك
انت الي طلقتها على البنات ؟!
أنس رفع عيونه يشوف لملامح قاسم الغاضبة : وكأني أنا الي طلقته شن بتدير !
قاسم قضب جبينه : تعرف شن بندير بنلكك على فمك هذا !
أنس رفع حاجبه : تلكني؟!
أسمع قبل..أنا وصاحبي كنا ماشيين خطمنا على السانيه من برا..طلعنا الكلبه بنصورو معاها لقينا السراقات الجيعانات هذين يسرقن في السانيه
فريده بصوت مخنوق : مش هكِ
قاسم ببرود : مش موضوعي جيعانات والا سراقات، بعدين انت كنت تصور مع الكلبه في صورة عائليه ولا شنو؟!
أنس : يا ****
قرب منه وشده من ياقته : الكلام هذا ما ينقال توه يا ذكر
نزل يدين قاسم وقرر يلعب لعبته ويقلب الطاولة على رؤى وبنت عمها.."حاج عبد الرحيم يا حاج "
عبد الرحيم قرب منه غاضب : الله يجعلك محتاج
توسع فم أنس بضحكه متهكما : توه تدعي هك يا حاج في الوقت المُبارك هذا على الشخص الي كان لأخر لحظة يدافع عن رزقك !
عبد الرحيم عقد حواجبه مش فاهم أما قاسم قعد يراقب بصمت..أنس كمل كلامه
أنس مَط شفته السُفليه : شوف يا حاج أنا
من الناس المعروفة في المنطقه..الحمدلله
ربي رازقنا وأمورنا طيبة..وهلي ناس ولله الحمد ناس خيرة..يجي في بالك إني نزقب ونسرق
سكت عبد الرحيم وهو عارف حقيقة الشيء هذا..أنس كمل كلامه متلفت على فريده : اهو شفت انت بروحك سكتت عارف حقيقة الشيء هذا ولكن..
