-الجزء الثالث ||
بعنوان "عُقد "||
كتابة: ام امـن||
🌸علمتُ أنّي عبد سوء..
وعلِمتُ انك الغفور الرحيم الهادي
ف جِئتُكَ راجياً أن تقبلني وترزقني عفوك
وميتةً ترضيك يا الله🌸.
✨ "يا رب..
إنها ليالي الدعوات المُجابة؛ فلا ترُدني خائبة
لا أنا
ولا قلبي."✨
***********
عند "هناء "
أول مافتحت الباب طول هو يشوفلها لعند هي تخزرطت ..."نعم شنو في "
هز راسه يمين ويسار وهو يشوفلها ...خوك سعد وينه !
هناء بتوتر حساته نفس الشخص ..."خوي مش قاعد فِي طرابلس !"
بضيق قال ...عارفه خوك شن داير ولا
مكانتش بتطول معاه ...مش عارفه لكن هو ما سرق الفلوس يمكن أظطر وتوه يردهم
ضحك تهكماً ...من جدك والا تبصري !
هناء منزله راسها وقالت بتوتر : عليش بنبصر عليك سلامتك نعرفك أنا أصلاً
وجت بتطبق الباب حط رجله مانعها من تسكير الباب : شن يباسة الراس هذى
هناء رفعت حاجبها وشافتله : انت شنو متبيش تفهم!
قتلك خوي مش هنا بعد يجي تفاهم معاه
دف الباب بشويا لعند هي تراجعت للخلف خش من الباب لـ جوه حاط يديه بجيوبه
هناء وجها قعد أحمر خاصة انها لابسه توته!
قعد يفصل فيها بعيونه بغضب قالت : كيف تخش حوش مفيهش راجل انت متفهمش والا كيف
سمعت حاكمة صوت بنتها طلعت لقت حسين واقف وهناء تعارك مشت بسرعه
: انت ف شنو أدير هنا هيا هيا اطلع
حسين يشوف لـ هناء واشر عليها... مش طالع قولي لـ بنتك متدخلش بيني وبين ولدك!
هناء...انت غير اطلع خاش لحوش مفيش رجاله والله كان يعرفها بوي ولا خوتي
قال رافع حاحبيه : تهددي والا شنو انت
حاكمة متضايقه من وجوده : اطلع مش بدري نهو الموضوع معاك وقالو توه يجيبهن الفلوس
مكتف يديه ومازال عيونه على هناء ...معاش نبي فلوسي انا ولدك بيقطعهم اصلاً نبيهن مع بعضهن
حاكمه بمسايسه :باهي اطلع وتوه ندزوهن لك مع بعضهن
بنفي هز راسه ...مش طالع لعند ناخذهن توه
