)
(( الجزء السابع عشر "3" ))
بعنوان "أيام عُجاف "
أُم أمِن
«سبحانك اللهم وبحمدك، أشهد أن لا إله إلا أنت، أستغفرك اللهم، وأتوب إليك ، طيب الله انفاسكم وجزاكم الله عنا خير الجزاء ، وجعلنا وإياكم في جناتِ النعيم ، ءامين »
لأيك قبل 🤍🌸 ونعتذر عن تأخيري في التنزيل
*****************
البيضاء 🤍
عند عيت الناجى >
مروه خافت..أما حسين وقيس والكل كان حرفيا في حالة صدمة مش فاهمين هذي شن تقول ومن ناصف ومعقولة مروه بالأصل ماعندها هاتف !!
باكره فنصت فيها : ضمي فمك يا قليلة الأدب أمك ما عرفت تربيك قاعده تحكي عن حماتك الكلام هذا وإنتِ عارفه حتى تيليفون ماعندها .
ناضت معصبة لكن معاش فيها اليوم بتحط النقاط على الحروف على الأقل بعد صار إلي صار حتى مروه لازم تحاسب : والله يا عمتي أنا ماكذبت..وهذي بنت ولدك هي الي حكتلي عنها..قالت يا ماما تخليني نسهر معاها نحكو بالموبايل مع رجاله للصبح..وفي جيتنا هنا قبل فرح حسين قالت قبل بتطلع لكن كبسنا عمو حسين !.
Flash back :-
ليلاً ...والجميع نيام عدا هنا الاثنين طبعاً ...ونسه تجري وراها تلفتت عليها مروى : اسسس اسسس توه ينوض اشرف يقتلني
ونسه بغضب : مش شوري نبي نطلع حتى انا
زفرت بضيق ..."عليش حكيتلك حتى أنا بخت كيف هالبخت المايل "
ناصف يتصل بيها ...شافت لـ ونسه سكتت شويه "باهي هيا ياهمي"
مسكت بيدها وجن بيطلعن مع خشت حسين فنص فيهن... " ع وين انت وياها! "
سكتن وشافن لـ بعضهن... قرب من مروة" نسال فيك انا ولا!! "
بلعت ريقها... بينما ونسه قالت : كنك يا عمو نبي الحمام وهي تبي تاخذني لحمام.
شاف لـ مروة... عليش تاخذيها للحمام الي برا خذيها للي جوا
هزت راسها"باهي"
مشى حسين للشقة متاعه... بينما مروة طبست عليها" من وين متعلمه الكذب"
" خالتي فاتن حتى هيا تكلم واحسن منك تاخذي فيا نشوف فيه ويجيبلي في حاجات حلوه راه! "
بقلق "وانتِ تحكي لخوالك عليا صح! "
" خالي فارس بس يا عميمه"
خبطت خدها... "نهار أسود "
"عليش تحكي انتِ "
: هو سالني قالي اين احسن خوالك ولا عمامك قتله عمامي قالي عليش عمامك يا ونسه قلته عشان عميمة ملوة
