#جاموفوبيا (( رُهاب الزواج ))
((الجزء الثامن عشر "2" ))
.
.
.
-((بعنوان" أيام عُجاف" ))
.
.
.
-كتابة : أم أمن
(اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها )
(اللّهم إني أعوذ بك من زوال نعمتك، وتحول عافيتك، وفجأة نقمتك، وجميع سَخطك)🌸
****************
عند باكره >
مشى محمد بعد نزل امه وباكره قربت من حمد وعياله..حمد تفاجئ لان من النادر وين تجيه على عكسه ديما عندها
حمد : باكره مرحبا مرحبا
مركز بعيونها على رمزي : الله يرحب بيك
سكتت شويه وقالت : والله يا حمد أنا جايتك في موضوع ضروري
رمزي بلع ريقه وناض رفع بنته بيتهرب : أنا ماشي كان تبو شيء
وتلفت على باكره أبتسم بتوتر : اتصلوا بيا انستي يا عمتي
ومشى خايف أستوقفاته عمته
باكره : استنى يا رمزي أنا جايه على خاطرك .
وقف وغمض عيونه..وحمد شك تكون مروه حكت ل أمها..بس القصة لها سنه تقريبا شن خطرها عليها ؟!
تلفت عليها مُرتبك..وحرك عيونه تجاه بوه أما بوه فقعد في صراع نفسي داخلي "إذا قالت مروه أو لا"
من بين الثلاثة أطراف، جبريل الوحيد الي كان زي الأطرش في الزفه..مش فاهم عمته شن تبي من رمزي بيش تديرله زيارة خاصة.
رمزي حك راسه : نحكو هنا ولا جوا يا عمتي وين مايعجبك عادي.
باكره بضيق : نحكو جوه خير
هنا حمد تأكد أنها جاية لنفس الموضوع.. تلفت على جبريل
حمد : امشي يا جبريل جيب أمك وخواتك من عند عمتك" فجريه" .
باكره تلفتت على جبريل متبيش يعرف بلي صار مع بنتها
باكره : دير زي ما يقولك بوك .
جبريل هز رأسه : حاضر
وقرب من رمزي : عطيني مفتاح السيارة
رمزي كان مواطي رأسه حط يده في جيبه وطلع المفتاح أعطاه لخوه..بعدين أعطاه بنته
رمزي : خوذها معاك ل أمي
جبريل رفع بنت خوه بين يديه : تم
طلع جبريل وكانت باكره تشوفله..ركب البنت وركب من الجهة الثانية ولع السيارة ومشى.
رمزي حاط يديه في جيوبه وكان يراقب في نظرات عمته..وكل شاردة ووارده منها.
بعد أختفت السيارة..تساءل هو : شن في يا عمتي خير إن شاء الله.
