#جاموفوبيا ((رهاب الزواج ))
-((الجزء التاسع والأربعون ))
-((بعنوان "إنهيار"/أزمة 3 ))
للكاتبة أم أمن
يأت بها الله أحلامنا وسعادتنا
وكل ما تمنيناه يأت بها الله
وان كانت في نظرنا مستحيلة .
*****************
في الشقة
بعد قال كلامه ما فهمت منه غير لما شافت في عيونه نظرة غريبة ضم يديها بين كفوف يديه وأبتسم إبتسامة صغيرة : غير هما مش متقبليني مهما ندير
نزلت عيونها مرتبكة شافت ليديها
هناء بتوتر : أأ هما متقبلينك أاو
مرر عيونه على وجها إرتباكها باين عليها قرر يوضح تلميحه لها ويستغل فرصة وجودها قدامه ووحدهم
أشرف برفعة حاجب : ماضني هما متضايقين مني الفترة هذه
هناء بلعت ريقها بصعوبه ورفعت عيونهت فيه متسائلة : عليش ؟
مال عليها وبدأ قريب منها قريب واجد لدرجة تاكت على الكنبة
حست بيه ضغط على يدها..كفوف يديه كانو ساخنات أو جسمها البارد بزيادة ما عرفت بالضبط
أشرف يشوف لخدودها المتوردة من خجلها فتح فمه بيتكلم : هناء أن.. قاطعه صوت تخبيط الباب وحد ينادي عليه
أشرف يا أشرف
عقد حواجبه وتضايق وخر عنها وعيونه معلقة فيها وهي مرتبكة منه بلل شفته وشافلها
تباعد عنها ووقف : بنشوف من على الباب
هزت رأسها بسرعة لف وطلع من الصالة ومشى عند الباب فتح الباب كانت وقتها نورا واقفة تستنى فيه ومعاها حيان الي يحك في عيونه وباين عليه باكي
رفع حاجبه : شن فيه ؟
نورا قدمت حيان : حيان يبكي من بدري يبي أمه مازالت راقدة ؟
حك رقبته وتباعد عن الباب : أها توه كيف ناضت
خش حيان جوه ونورا نزلت مش عاجبها الي قاعد يصير الواضح أشرف مغير رائيه من ناحية هناء كان هذا أحساسها وأحساسها عمرة ما خاب
نازلة من الدروج: الله يعطيها داء هالحقيرة التافهة😒 ..كان ما نوريك النجوم في عز القايلة ما نتسمى نورا
نورا لما خشت تلاقت مع مروه قدام الباب : نويرة شفتي عهودي ؟
نورا هزت رأسها بنفي:لا ما شفتها
مروه زفرت بضيق : بالك قاعدة برة توة نشوفها
نورا مسكتها من يدها : لا خليك الجو برة مصقع مرات تمرضي توه نشوفها نا
مروه : باهي
طلعت نوره جابت عهودي الي كانت تلعب برة مع سلافه وخشت بيهم داخل مازال عقلها عند هناء معاش تقدر تتحمل هي كانت شايفتها تتمرض بيش أشرف يروف لحالها ويتهم بيها
