#جاموفوبيا (( رهاب الزواج ))
#جزء_أنتقالي ((مش مسامحه أي حد يقراه ويفوت🤍))
تنويه هذا الجزء احداثه مسرعة
(( الجزء التاسع عشر "3" البداية))
بعنوان / المنهكة أرواحهم
كتابة / أم أمن
لا باركَ اللهُ في قلبي وعذَّبَهُ
يصبو ويهفو إلى مَن لا يُواتيهِ
فهل لهذا جزاءٌ منكِ آمُلُهُ
أم ليسَ عندكمُ شُكرٌ يُجازيهِ؟
حمَّلتُهُ من هواكم فوقَ طاقتِهِ
ودونَ ذا -حِبَّ نفسي- كانَ يكفيهِ
العباس بن الأحنف 💫
🌸🌸🌸🌸🌸🌸
عند حاكمة
من وقت فات
بعد الي قاله لي أحمد معاش قعد فيا عقل بكل..يبي نمشي نخطب البنت الي امها توفت من فترة قريبة ونخطبها لطارق والفرح يجي ع السكيتي عليش !
هذا ولدي الثاني ثاني فرحه ليا...معقوله ناخذله نجلاء
أنبها ضميرها : اوكي هيا كويسه وصاحبة رنده لكن برضو خوها مجرم وبوها مريض
تقعد يوم هنا ويوم في حوش بوها ولا حيه يا حاكمه كان ما قلبتلك فيها حيه وقالتله ما نقدر نسيب بوي وتكر ولدك غادي وانت هنا تقعدي قلالة " لا شيء ".
كل النقاش هذا وهي تغسل في المواعين تخمم شن تدير شن تدير
كممت فمها بيدها : أحمد كان سكر رأسه ع الموضوع هذا يديره يديره احسن حاجه نقول لطارق...
عقدت حواجبها وهزت راسها بنفي : لا ما نقوله شيء نجيبها له من بعدين
حاكمه تفكر بصوت عالي : ايواه هو همه في قرايته لما نقولها له ويحسها تشوش ع عقله يفوت الراي هذا على طول
فريده : أي راي يا ماما
حاكمه متلفته بعصبيه : وانتِ شنو دخلك
فريده مستغربة بس حسبت امها زعلانة من موقف المدرسة...قربت منها ووقفت جنبها
فريده : كنك يا ماما مازال زعلانة بعد بدري
حاكمة برفعة حاجب : لا مش واجد
فريده بترجي : أسفه وربي معاش نعاودها
حاكمة شافتلها عاقده حواجبها : عطني دعوه كان تبتي
فريده بصدق : لا الولد هذا معاش نجي شوره لا أنا ولا رؤى
حاكمة بشك : ان شاء الله...نحطلك غداءك؟!
فريده : اها
-فوق في شقة عيت سعد
واقفه قدام الدولاب تطلع في دبشها
نجاح : العياده قالوا يدخلونا بدري؟!
