#جاموفوبيا (( رهاب الزواج ))
- (( الجزء الثاني والعشرون ))
-"ع أمل "
كتابة: أم أمن
(( أسفة لأن الجزء قصير هذا من الضي 😥))
🌸🌸🌸🌸🌸🌸
عند نجلاء؛
من وقت فات قريب المغرب
كوثر واقفه على الباب: يعني متبيش تمشي؟!
نجلاء: الله غالب قال ماتمشيش..وبصراحة ماعنديش نيه نتعارك معاه.. لأنه يدير زي أبلات المدرسة ويجي يشكي فيا عند بوي
كوثر لوت فمها: والله يا بنتي طارق كويس..ومتشي زي المسطرة معانا..غير إنتِ الي بسلامتك تغصي في الزبدة
نجلاء بضيق: غير من هو الكويس😑كويس غير قدامك ياعمتي الا هو يخدم من تحت لتحت أنا والله منبيش نتكلم بس عشان بوي مايسمعش ويتعب مضطرة نجامل مجاملة في هالخطوبة 😑
كوثر بمحايلة: انت العني شيطانك بس سلم بنيتي..الهي بروحك وابدي في مشروعك الي قلتي عليه
هزت نجلاء راسها: ان شاء الله بعد التخرج على طول توه نبدا فيه
كوثر: بالنجاح يا ربي...توه عاد كان توصي على حاجه من عند عيت خالك عزوز قولي
نجلاء: نوصي على سلامتك وسلامتهم سلمي عليهم وقولي نجلاء عندها امتحانات ماتقدرش تجي
هزت راسها: ان شاء الله
طلعت كوثر ونجلاء طبقت الباب وخشت جوه تحوس في الحوش ومره تقرا ومره تغني
معلقة في أذنها أغنية قديمة "سكك البنات"
واقفة تطيب في القهوة وتدندن : سكك البنات يجى مت سكه يجي بالاصول يلاقينى فكه آنآ مسعدوش لو شيل منو ولا ارحمو لو في شكه عارف البنات ايه يجننها طول اليومين ابعد عنها معظمكوا صنف عينيه فرغه وهى واحد مالى عينها
وقفت أول ماسمعت صوت الجرس رن توقعت تكون عمتها مشت وفتحت الباب لقت الحاج جمعه "ولد عم بوها"
: سي جمعه!
جمعه: خير كيف حالك؟
نجلاء بإرتباك: بخير الحمدلله...وانت يا سي جمعه
جمعه مبتسم: بخير توه هذا قعدت اكويس...مافيش تفضل
نجلاء مافهمت او ماتبيش تفهم: ااا لو تبي بوي راهو معزوم ح يروح بعد العشاء ان شاء الله
جمعه قرب ووقف على عتبة الباب شافت لرجليه ورجعت شافتله: من قالك نبي بوك انا جاي نبيك انتِ
نجلاء: تبيني أنا عليش 😰
جمعه: خليني نخش قبل وتوه نقولك فيش نبيك
طارق بضيق: اعتقد قالتلك بوها مش قاعد
جمد الدم في عروقها وطارق فنص فيها: خشي جوه خشي
