#جاموفوبيا (( رهاب الزواج ))
-(( الجزء الثالث والأربعون ))
-(( بعنوان "إنهيار" ))
للكاتبة: أم أمـن 🌸،
***********************
عند أشرف
كان قاعد ومعاه نبيل قرب منهم سند
سند: السلام عليكم
نبيل: وعليكم السلام
أشرف شافله: وعليكم السلام
سند: من منكم ولد الناجي ****
أشرف رفع حاجبة: أنا عليش
سند : ممكن بعد أذنك نبيك في موضوع
أشرف ونبيل تلفتوا على بعض
أشرف رجع يشوف لسند : عادي
سند شاف لانبيل وأشرف فهم عليه
أشرف : خوذ راحتك هذا نبيل رفيقي وزي خوي بالضبط
سند حك رأسه: هو الحق أنا كنت نبي بوك بس قالوا مش قاعد ؟
أشرف هز رأسه بأيجاب: انعم عنده شوية ظروف
سند ربع يديه: ربي يعاونه…حصل خير وباهي الي أنت قاعد يمكن نوصل معاك أمانة تعطيها له
عقد حواجبه ونبيل مستغرب: أمانة شنو
سند شافلهم: تعالوا معايا للسيارة متاعي وتوه نعطيك الأمانة ونقولك شنو توصله معاها
أشرف وقف ونبيل معاه : تمام
سند: مالا هيا سيارتي قاعده قريب من هنا ( وأشر على نهاية الشارع )
مشى سند ومعاه أشرف ونبيل وبعد وقت يمكن ربع ساعة وصلوا فتح باب سيارته وهما واقفين يترقبوا
فتح قجر السيارة وطلع منه ملف بالون الأزرق طلع من سيارته وطبق الباب وقرب من أشرف
سند: تفضل
أشرف خذا منه الملف وقلب صفحاته بين يديه لمح صورة حد كأنه مار عليه قبل لكن وين
سند يمرر في عيونه على تعابير وجه أشرف: هذا ملف لخوي زمان كان يشتغل في البحرية قبل الثورة…زم فمه…سنة 2009 وبعدين فصلوه من العمل
رافع حاجبه يقلب في الأوراق بين يديه
أشرف بأستغراب : وعليش وقفوه عن العمل
سند حاول يتحكم في غضبه: زمان أنحبس ظلم
أشرف عقد حواجبه أنحبس : وشنو نوع التهمة
نزل رأسه وقتها نبيل حس أن الموضوع كبير بكل تلفت على أشرف
نبيل : شروفا قتلك أنا نسيت تيليفوني بنمشي نجيبه على السريع
أشرف هز رأسه : تمام
مشى نبيل وأشرف رجع سأل سند
أشرف طوى الملف بين يديه: ما قلت شن كانت تهمته
