#جاموفوبيا
-الجزء السادس ||
-بعنوان "عُقد " ||
|| 🌸Om amen
اللهم إن شهرك الكريم شارف على الإنتهاء، فيارب لا تخرجنا منه إلا وقد أصلحت حالنا، وأسعدت حياتنا، وغفرت لنا، ومحوت سيئاتنا، وقبلت توبتنا، وسترت عيوبنا، واستجبت لدعائنا، وأعتقت رقابنا ورقاب والدينا وجميع المسلمين من النار.
"لو جمعت برسيم العالم ، يبقى التعيس تعيساً ☘️"
🌸🌸🌸🌸🌸
-------
هناء شافت لـ أمها : شنو !
سعد تلفت على حاكمة : مش هكى يا أمى ولا لا مش قلتي هو ما خش الحوش بروحه .
حاكمه قلبها واجعها لكنها مقدرتش ..."صح هو ما خش الحوش كيف ما هناء قالت !"
سعد معاش تمالك نفسه وجا بيضربها على خشت طارق : كنكم كنكم شنو في صوتكم لـ أخر الشارع
سعد تلفت عليه وخبط رجله بالارض : اختك الـ *** شوف شن دايره
بضيق قال : انت كان بس تضم فمك من الكلام المعفن الي تقول فيه
قرب على هناء وطبس عليها رفعها...هناء كانت مصدومة من امها وبرضو خايفه من خوها وبوها الي قعد على جنب يتفرج وهو ساكت
مسح على ظهرها بحنيه شافتله ويديها يرجفن ..."طارق أنا والله ما ((قاطعها سعد ))
قرب منها بيضربها ...وقف بينهم طارق وشد يده : سعد لم روحك راهو نعرف كيف ندير معاك !!
سعد يحاول يفك روحه منه : هذي عندك تدخل في الرجالة للحوش ونحن مش قاعدين، امك شاهدة راه
تلفت على هناء ورخى قبضته ...سعد شافله ...التفت بنظره لـ أمه وسألها : الكلام هذا جديات يا امي؟!
حاكمه نزلت عيونها ..."صح يا طارق أختك قالت الراجل هذك جا للحوش وخش غصب قدامي وانا الكلام هذا ما صار قدامي
هناء انصدمت وشافت لـ طارق الي اللوم كان احساسه تجاها
رفعت يديها : ماتشوفلي هكي الكلام هذا ما صار بكل راه !!
سعد : شنو امك كذابه
هناء بهستيريا هزت راسها بايجاب كذا مره : كذابه اها كذابه
سعد قرب منها رجع طارق ثبته : ما تسمع فيها شنو تقول لـ امك تقولها يا كذابه...هذي مش بس**** هذي عاقة والدين!!
طارق دفه : حول انت بس ...الموضوع عندي توه نلمه
سعد رفع يده : لا تلمه لا سو ...انت قبل منبيش نعطيك نقول حرام صغيرة تشيل اخطأ ملهاش ذنب فيهن ...لكن مدام هذا كلامك الخميس الجاي يجي ياخذك ووجهك معاش نشوفه هنا
طارق بعصبية : وانت على اي اساس تاخذ القرار هذا
حط صبعه على صدر خوه : لاني خوك الكبير وخوها الكبير وتهمني مصلحتنا
