مذكرات مريم
الجزء الاول ...
نبديها بالصراحة بكيبوردي مو بقلمي
10:30 الصبح الموصل /الجانب الايمن الجوسق
طلعت امشي والشمس تضرب بعيوني
وياي صديقتي سارونه نتمشى كالت شلون جوابج ؟؟
كلش زين بس كون مايظلمونه بالتصحيح
دحكت عليها صايره حمرة شايله حسن كلمن شافها صلى عالنبي بياضها ناصع وطويله كلش وخصرها هالكدوت تجذب الناظر والشال ابيض يضرب انتبهت عليا
حبيبتي ليش ادحقيلي ؟؟؟
كتلها والله حارة شلون كادرة تلبسين هالملفع(الشال)
اش نعمل حرام مريومه رضا الله لو ارضاء النفس؟؟
تمشينه وصلنا البيت وهي طبت واني تمشيت المركز الامتحاني قريب علبيتنا واليوم كان اخر امتحان وزاري لسادس اعدادي
طبيت صوت الكناري وريحه الصبه مرشوشه ماي امي غاسله الطارمه حديقتنه متروسه اشجار حمضيات نانرنج ونوم وبرتقال
وصوت ابوي مشغل موال ناظم الغزالي
ومنطرب وياه
(يا بديع الدلِ والغنجِ لك سلطان على المهجِ
أن بيتً أنت ساكنهُ غير محتاج الى سرجِ )
اول من فتت بوسته هلو بابا
كاعد لابس النضارة و بيده الدرنفيس يصلح جهاز الحمايه مال مجمدة باسني
مريومتي انيسة روحي اشون جوابكي بابا ؟؟
بابا فووول حجيتها واني مسرعه للمطبخ
سلمت هلو ماما
هلا هلا امي ها بشريني حمامة لو غراب؟؟
ماما جاوبت والاسئله سهله
الله الله اليوم دولمه ..والرب مشتهيتها
مريوم بدلي و خذي سله واطلعي اجمعي النوم (الليمون)
كلو وقع ترس الحديقه
هسه يوم
طلعت جمعته وخليت اكل للطيور
وطبيت
ماما وينو زكو والله مشتاقتلو
اخوكي خبرني هو بسفوان بفرغ حمل ويرجع ...
يووم احكي معانو يبطل والله شغلتو ماتجيب همها عيشتغل تفاليس
هذا ابو السيارة عيستغلو
لشوقت يظل سايق يم العالم
اتركينو مريم ..من يقعد بالبيت يصير اعصاب مالي خلقوو وخلق مكافشتكم
كملت الدولمه وصبتها ...
مريوم ماما قومي ودي هذا الصحن لبيت ام محمد
هم وليمون و خذيلهم منو بسله
اهووو يوم تعباننننني
قومي ووووركي
المغه عدها ضغط خطييي يفيدها
قومي امي خذي اجر وافعلي خير
قربان وجكي الحلو
ضميتولكي شي اشقد حلو من ترجعين اغشعكي هو (اشوفج هو)
كمت واني متذمرة حااارة لان
لبست نعالي وطلعت بيدي الصحن مخليه تحته كرصه خبز وبيد الخ سله الليمون ساعة ادك بالباب
نطيتهم المقسوم ظلت تتشكرني وتدعيلي
رجعت بالطريق صوت جيرانه يتعاركون مديت راسي اريد اتجسس
شافني ابن خالتي جرجيس صاعد عالدراجه
هااااا نموووووش ام النمش والله لاقول لخالتي عليكي
