إقامة جبرية
من مذكرات مريم
الجزء السابع والتسعون ...
...خير خليت بالي
..ماكو الا كل خير انتبهي عالحالج ...
...صيغ شي ..؟؟
..لا يبوي ماكو شي ..يله مريم انه ضروري انهي
..اوك الله معاكا
...راح وخلا بالي
دحكت اتصال من نور
...هلا نور
...هلا بيج حوووب رجعتو لا
..اي الحمدلله عالسلامتة عيناي
..الله يسلمكي
..شلون الدليمي مالنا
...يبوس ايدكي هسه نام تعبان
..يفدددوة لوليدي انتي شلونج صحتج
مليحة انتم اخباركم..اشكو ماكو
...العلوية صار الها ايام تحوس عالصفتحج تريد تتصل وتشوف وسيم طاك كلبها وخالد من رجع يكول مصورته معندي صور ..بيني وبينج زعلان منها ..وحلا يمنا وشيلي وحطي ومسحي وغسلي تكول اول حرمة تولد عالوجه الارض
بالقرأن هلكت وكرهت العيشة
...جابت قيصري..؟؟
...لا وين ..بس الصدك هي تعبت
ابنها بس حطيلو شارب وكعدي بديوان الزلم حلو جابتو يشبه سليمان ...نسخة عمو
...يعني حلو
...اي بس ينقصو شارب ..
..ههههههههههههه
...يولي دشوفيني وسيم
..فتحت الها كام وشافتو ...اول من لمحتو صلت عالنبي
خرب بيومج مريم مو وليد لعابة
ادري سبحان الله الي صورو ..صدك لو كالو بزر مسيح يولي شهالنزاكة
..هههههه اغشعتي شحلاتو
...اي اغشعتو جنه صوص مصلحة اشكر
...ههههههه الا تتنمرين
...ربي يحفظو الج ...ويتربى بعزكم انتي وابو
ويلم شملكم
...امين
عدت ايام ..والف الحمدلله والشكر استلمت مبلغ التعويض ..ولو هو بعمره ميعوض مكان بشر
بس الحمدلله يمشي حالي
مبلغ جنت احلم اقبض ربعه
وبما انو عندي 2 شهداء فعتبرو راتبين
هالشي خلاني ماافكر اعتمد عالخالد بشكل كلي
صرت اصرف ومااخاف
خالد انقطع تماما عننا هالفترة بسبب احداث ثورة تشرين
گضاها انذارات ج
وبما انو نحن وصلنا اواخر السنة شهر اكتوبر حاليا ..خالتي بدت تقرا بأذاني وتلح بموضوع التقديم عالجامعة ..
التقديم غاح ينفتح لاتضيعين السني عليكي
...ووسيم اشوون
...وسيم يرضع حليب مُصنع وانا يمو
غمضي فتحي السني تخلص
..واشون لازم اغوح اجيب وثيقة
واحتمال كبيغ خالد مايقبل
...تاكلين خغااااا انتي منفضله عنو نتيقبل اشنووو بكيفي ليكون هو ولي امركي وانا ماااعغف
...بله رفض وقال ماكو دوام ويلوي ذراعي بوسيم انا وقتها اشعمل
...انتي عتعطينو مجال ...غدااا من الصبح نولي انا وانتي للمدرسي الكنتي اداومين بيها نسحب الوثيقة
ونكمل الفايل ومن ينفتح التقديم
تغوحين
اش تقعدين بدووون شهاده
..وبالفعل ثاني يوم من الصبح رحنا اني وهي للمدرسه
سحبنا وثيقة
ورجعنا واستنسحت المستمسكات
وخليتهن كلهن بفايل
انتظر التقديم ينفتح
