إقامة جبرية
من مذكرات مريم
الجزء الثاني والسبعون ...
واسمع صوت عمي يكول
اليوم اذا مااسگطها لهالبنت الكلب فلا اطلع ابو خالد مسوية نفسهاااا شريفة
محسيت الا الباب كام يندفر من برا واني قافلته
لزكت اباب البلكونة ارجف وابجي وهو يدفر الباب
اتصلت بنايل ميرد
اتصلت بسليمان
...ها ام شهم
....حباب هذااا توحش والعذار غاح يقتلني اليوووم
سده بوجهي ..الوووو هذا وين راح
اسمع صوت هيام وصوت نوال
وهو انجن يصيح ماانزل الا اربيها الااكسر بيها عظم هالبنت الكلاب الي راحت نطتهم المفاتيح تتصرف بمال الخلفوعا بنت الفكورة
حسيت الباب...راح ينكسر طلعت للبلكونة
وادحك عالطارمة وين اذب روحي واتكسر
مابيها ثواني واشوف سليمان بالطارمة يأشرلي افوت جوا وهو فات متوجه داخل البيت ووراه طب نايل
اطمنت وفتت ومستغربة هالشايب منين جاب هيج حيل
اسمع صوت نايل برا يصيح
كبل فتحت الباب
....منزله عالدرج ويصيح عالابو
دينزلون والتفت عمي شافني ورجع صعد ويصيح بالحرام لايدبها وكمشه سليمان
...ياااااازي عاددد
هوووو هيج تحمي عرررض ابنك
هذا بعدو عااايش وهيج
نزلو وصاحوني انزل
وكعدو كلهم بالصاله
وعمي كبالي لو بيده يكوم يكطعني....
سليمان ..الي صار ابد ابد مامقبول
ابن عمي هذا انت الجبير لا عتب عالشباب
اجيت وكتلك المفاتيح مو من حگك....وما طاولنا بچلمة ..تروح تتصل بولد صالح فاينين الحظ تايهدون وياك علينا
هيج گالوها حجي ...!!!!
دحگ عالابنك شصاير بي ..بله لو متچاتلين واحد مبتلش بالثاني شتسوي ...هيج الفلوس تسوي
وهاليتيمة شسوت وحاط گورك من گورها
شمسوية الك وتتعدا عليها
ام عباس ....اكمش حدك يسليمان ولتدخل بينا
...انتي سكتتتتي اياج تفتحين اثمج لا وحگ من بسط الارض اشوفكم شي مشايفي
الحجي ...كلبة بنت الكلب ابني مامات وهي تريد تكوش عالاملاكو ...
سليمان ... خاف متعرف بيت الي بالغزالية انه مشتري وخالد اخذ حگو ..
سليمان كال هيج لو النار گبت وام عباس تصيح
راحن فليسات ابنك حجييييي
وصاح سليمان بصوت سكتها والعلوية وهيام بحالة صدمة
الحجي ...من شوكت هالحجي ولابيع ولا شرا بمحاكمنا
..ابو خالد البيع صار كبل لتسقط الرمادي
وكلشي تم تحت شهود ومحامي
...منو يكول ...؟؟؟
...لا ابن عمي تعرفني ...انه احجي كلام ما صحيح...؟؟
تريد اشوفك الاوراق ارسمية كلهن مخليهن يمي
