إقامة جبرية
من مذكرات مريم
الجزء الثامن والتسعون
ومن هينا ورايح تواصلي ويا خالتج ..بعد اي علاقة مالي بيج
..خالد الوووو
...ديله جنت صاحبة حق وبعملة نرجس انقلب السحر عالساحر..فقد ثقته بيا هسه شسوي
عدت الايام وتواصله صدك انقطع وياي
صرت اتراسل ويا نور ...والوضع كما هو
اكثر من مرة حاولت اتواصل وياه بس يشوف المسجات ويغلس
اوضاع البلد هدت وخاصة بعد مااتفشى فايروس كورونا بالعالم
انتهى كلشي وانتهت المظاهرات
الرعب صاب العالم
وكل هالفترة واحاول اتراسل ويا خالد
لكن ماكو فايده
صرت انشر فيس عسا ولعل يوصله احساسي
لكن لا حياة لمن تنادي
نرجس مشجعة جيده لهيج وضع
وكلامها كان ..دام بنت عمه يمه لا تترجين يرجعج
واذا يرجعج بس لحتى تسدين حاجته لااكثر
وهو لو يحبج كان طلكها من زمان
التهيت بوسيم...واتابع احداث البلد
التهي بمنشورات الكروب التهي بتنظيف اقرا كتب وهكذا كانت تمشي ايامي ولاكنت بيوم اتوقع هيج ينقطع
كل يوم اشوفه نشط ابعث لايك
صار حتى مسجاتي ميقراها
لحد ما بيوم اتصلت بيا نور وتسولف ومن خلال حديثها عرفت انو هو متابع جيد الي .. وديقرا كل مسجاتي وهذا من خلال كلامه هو ويا نايل
عود لحتى يعلمني درس وميجاوب
ومن يومها بطلت انشر وبطلت ابعث اله اي شي
سديت النشاط ونطيته تجاهل
واتابعه من ورا الشاشه من دون مايدري
يومين فقط ... وبادر هو
طبيت للمسجات شفته باعث لايك
مجاوبت..بقيت يومين على هذا الايك وكأنما باعثلي مشاعره كلها وهو بالاصل لايك واحد
بيومها طبيت عالماسنجر شفت كوووومة اتصالات
منه ..ظل بالي شكو شبي هلكد متصل
طلعت اكول لخالتي ..شفتها تحجي اتصال
ويا وحدة..كعدت يمها .. هذة دتحجي ويا العلوية
..علوية ام خالد عفية اتركي مريم عالصفحة مريم كانت صفحة بحياتكم وانقلبت هالصفحة لا تعتبين عليها
اي حقكي تعتبين لان مااخذت من خاطركي بس انتم هم مابيكم احد تحمدلها بسلامي عالولد وهذا اول حفيد لكبيركم ومااكتفيتم
بل طعنتم بيها
اي الحكي يصل ...تغيدون ادوسون ابطنها وتسكت ؟؟؟
هي تحجي واني ااشر الها تفتح المايك لحد مافتحتو
...ام جرجيس انه اعتبرها بنتي انتي متعرفين الهلاقة الي بينا
...لا عيني يابنتكي وين اكو ام تطعن بشرف بنتها خاف ابالكم الحكي مايصل عيب والله عيب
وفوقاها تعتبون عليها
...الفات مات ام جرجيس وصيري محضر خير ..
...ام خالد الفات مات وقلبنا صفحتو وابنكي يمكي زوجينو الي يحلالو بس الله يوفقكم ابتعدو من طريق بنتي كفي طلعت من ماعونهاااا غااااحت السنين العجاف نمت بغاسها لحد ماقلت بسسس
