مذكرات مريم
الجزء السادس والعشرون ...
رداسه ...تحجي وادحك بعيوني
علوووويه مرة ابنج بيها تابعه
عمتي...اني هم كلت ينراد الها رقيه
رداسه ...يولي ليش وجهج مورم ليكون خويلد مضوجج احجي
...لا نانه مامضوجني
طلعت جكارة وشغلتها وبدت ادخن
وتسولف ..اخذوها لسادة علويه
عمتي... خل تصير زينه وانه اخذها
للظهر واجه خالد وعمي ونايل واني كمت ويا نور وهيام نحضر الغدا
خالد طب للحمام يغسل طلع بيده المنشفة
ويدحكلي ...شلون صرتي يابه مو احسن
....اي احسن الحمدلله
نطاني المنشفة وطب جوا كعد
كملنا الغدا ونايل طلع مااكل شكله زعلان
عمتي ...شبي نايل ؟؟
عمي...يريد الزيجة.....
اني كبل دحكت لنور ردت اشوف ردت فعلها شنو ...لكن الي لاحظته
نور ملتهيه تاكل بسرعة كبل ليكعدون الجهال ولا مهتمه
خالد.... حگو الله يلوم الي يلومو
عمي ...ابو شهم ليش متحضر محضر خير
هسه انه منين اجيب ....خل يوكف عالرجليه
..حجي ميحتاج انه رام اتكفل بكلشي
ام علي احجي وياه وشوفي شمتفق ويا البنيه
وبس يطلع هالشهر انه براسي امشيلو عليها
رداسه ... يول والله ابوس راسه الي سماك ابو شهم
احسن من ابوك الي لايحل ولايربط فحل التوث
عمي... رداسه هسه صرت لااحل ولااربط
رداسه...اي طلعها لضميمة وزوج الوليد ليروح يكضب درب الحرام والخطيه بركبتك مو ماخذ حرمتين وحارم الوليد من الزيجة
...ماعندي منين وهذا ابو شهم يشهد
ادحك لخالد ياكل بهدوء ومبتسم يهز راسه بعدم تصديق
كملنا اكل وسويت جاي
صبيت صينيه غدا وطلعتها لنايل
عمتي... يمه مريم ربي يرضى عنج بنيتي ويفرح كلبج ياامي
تدعيلي لان شافتني صبيت لنايل
طلعت شفته متمدد بالصاله يتصل من شافني سد الاتصال وتعدل
تقربت خليت الصينيه عالطبله وسحبتها كباله
خيتي علش طلعتي اكل ترى مااكل ..
لا غاح تاكل لان انا اغيد اكل معاكا وجبتولك بشاره تجنن...اي لا ادحقلي هكذ والله خالد قال غاح يزوجك
نايل ... احلفي؟؟
والعذرا هو قال انا اتكفل بكلشي
يله بقت كل وسولفلي ...منو هذة الي غاح تخطبها..؟؟؟
...قرب الطبله واخذ الخاشوكة وبدا ياكل ويسولف
جانت وياي بالجامعة نفس عمري بنيه من مرحله اولى وانه عيني عليها
